(旅館外觀，建於小山坡上)
年輕時嘆resort，享受陽光與海灘，如今熟齡，為怕曬到皺皮，近年喜歡嘆温泉旅館，享受美食温泉。近年到日本，總會安排一倘温泉之旅，離開城市繁囂。今次更走到京都的海角，邊浸漫泉邊欣賞絢麗的夕陽景色。
通常遊人會選擇冬季來食著名的間人蟹，我雖然來的季節不對，但旅館似乎已經係附近一帶最好的選擇，酒店只有16間房，環境寧靜舒適，服務好，晚餐早餐都好食，不過房間就有點舊。
間人溫泉 炭平
地址 : 京都府京丹後市丹後町間人3718
Tel : 0120-42-0680
旅館位置徧遠，坐去的火車都係細細卡
火車沿海而行，心曠神怡
到達網野站
旅館接送的車已在等候
網野站外貌，又幾有時代感
往旅館途中，沿海岸線行
房間全部向海
我住的特別室在一樓，被前面的屋擋住，反而觀景無咁好，有點失敗
進入旅館就係接待處同relaxing lounge，地方細但寧靜舒服
陽台有流線形藤椅，可以坐下睇下景
不過其實海景被前面的屋擋住哂，莫非只為睇個天？
lounge 有mini bar，提供水果酒、清酒、咖啡等飲料，要另外付費。其實呢度房價唔平，每杯飲品只收100至300yen，不如大方點免費任飲好過，酒店得十幾間房，客人飲得幾多？我之前入住的都係任飲，呢度感覺有點小家氣。
任選浴衣
晴天娃娃，好高興見到你。
有單車租，可以探索下附近地方，不過外面已經係馬路，要踩就小心了
酒店floor plan
今次入住103室
mini bar設在玄關
房間頗大，整潔舒適，不過有點舊
個室風呂面積大，好有放空感
風呂外望景色，當初選房時貪房間夠大，到實際來到時，發覺應該104房景觀較好。不過世事無完美，我住的房都唔錯。
梳洗間
我喜歡用的今治毛巾
大浴場在二樓
泉質介紹
挷在拖鞋上的記認好精緻
地方唔大，不過對住無適海景，睇日落的最佳位置。
因為西斜，被太陽成盞大光燈咁照住，浸左一陣都頂唔住。(呢d就係鏡頭背後的真相)
之後再來睇日落，彩霞滿天，靚到不能形容，我的手機鏡頭固然影唔出，就算比起酒店影的樣版相，現場睇都靚一百倍。我同團友結果乖乖放下手機，靜靜地欣賞，沉醉於絢爛的晚霞，一層又一層的粉紅色，慢慢轉為橙色，睇住咸蛋黃遂漸下降，直至沉入海中......醉了
温泉外有提供桑茶
旅館擴充中，有興趣的下次可以book 新房
請先 登入 以發表留言。