來到今次的重頭戲 : 宝川温泉。温泉在汪泉閣旅館內，從旅館出來，穿過吊橋就到。露天温泉就在山谷中，範圍好大，四個温泉分佈在河川的兩邊，用吊橋連接，此温泉最特別係男女混浴，只有一個係女性專用。不過女士們可以放心，因為可穿著旅館提供的深色吊帶浴衣浸浴，反而男士只得一條毛巾，不過當地男士都不在乎，赤裸裸的四處走，只有女生不好意思吧。
河川已鋪住厚厚的積雪，美景醉人，浸泡在温泉中，聽著旁邊河川流水潺潺，一邊賞雪，實在寫意，可惜天氣實在太冷，我唔小心冷病了，晚上唔敢出去再浸，只去室內大浴場暖暖身，隔天一早再浸，清晨只得我一人，靜靜的賞雪放空，感覺實在太美妙。
從旅館往露天温泉
旅館已準備好不同大小的水鞋供客人穿著外出
走過吊橋，我喜愛吊橋
回望吊橋全貌
站在吊橋上觀看整個河川，上游係旅館所在
下游則流向山谷
好大雪，雪堆堆到人咁高
佛像都沾滿雪
平常可以參觀的小屋，門口都被雪封了，入唔到
開始浸漫泉，雖然係混浴，但女士可以著呢件袍浸
浸完濕淋淋點算？細心的日本當然有辦法，每個泉的更衣室內都有個乾衣機整乾件袍
總共有四個温泉，泉水夠熱，四圍係厚厚的雪，好好feel，好多人一家大細來浸，另類家庭樂
呢個泉好淺，水唔過膊，小朋友浸都唔怕，我就係喺度中招，凍親
女子温泉，好寧靜。不過都有危險位，簷蓬上的積雪因爲太重墜落，差點撞到朋友，嚇死。
雪太大，往女子温泉的私家路都封了，焗住要睇「吊吊fl
雪厚到五花腩咁
穿過吊橋去另一温泉
亭台可乘涼，但凍冰冰，邊會有人？只有閻羅王像凶人
温泉在涼亭下
請先 登入 以發表留言。