Foodie 生活雜誌

VG Café Taipei 

地址 ：台灣台北市大安區復興南路一段279巷4號

 

總是喜歡細細間又帶點特色的小店，喺網上見到呢間，啱feel就來。店子在巷內，有點「阿蟲介紹嚟」的感覺，但自從有左G神之後，世界似乎再無揾唔到的地方。餐廳走bistro路線，10點後變身酒吧，菜色設計有心思，味道唔錯，食得出的心機。而且價錢唔貴，服務好，不俗的餐廳。

 

餐廳在巷子內，但近大街，唔難找

室內佈置頗有型格

 

餐牌文藝中帶點幽默，圖片精美，似睇一本雜誌

 

呢杯係「在夢裡穿越了一世紀」，問你死未？點的時候忍唔住笑左。無酒精，士多啤梨味凍飲，幾濃味，唔錯

零度的距離 即係椰子沙冰，賣相同味道都唔錯

北海道帶子carpaccio 配高湯jelly魚子醬，伴柚子汁，比較特別係配酥脆雞皮食，口感豐富，好味。

煙熏手撕梅花豬沙律與鳳梨雙重奏 手撕豬仍然juicy，沙律菜新鮮，配烤菠蘿及醃菠蘿，酸酸甜甜，清新好味

 

油封蒜炸薯條 因為想點的牛肉他他賣完，店方為表歉意，送薯條。介紹又話慢煮又話蒜香，我就唔覺特別，都係一般薯條的香脆，有水準

慢煮章魚腳佐藍芝士紅椒醬 章魚腳大大條，肉質柔軟。我未食過紅椒醬，幾有新鮮感，不過食唔出藍芝士味。

軟殻蟹配三星蔥醬汁意粉 用三星蔥做醬汁，有新意。醬汁充滿蔥香，香濃掛麵，軟殻蟹炸得香軟，喜愛的菜色

隱藏版冰淇淋 講到咁勁又點來食下，可惜無驚喜，雲呢拿雪糕配冰凍berry加棉花糖，雪糕似係自製，幾軟滑

另有daily special 寫在板上

 

10時後轉為酒吧