有驚喜的一餐。老遠由京都轉幾次車來，店子在河邊的老屋，內裡小小的，家庭式格局，可容納坐十多人。女侍應居然能講流利英語，估唔到。book位時已選了廚師發版套餐，唔知食咩，所以一直食一直有期待，廚師煮得味道好之餘又有心思，讚！另外呢度用的碗碗碟碟都係古董，有d話係明朝，有d又話有二百年，信不信由你，但真係幾靚。
一路行，一路諗：呢d鄉下地方會有好嘢食？間鋪就在爛鐵屋隔離。
被安排坐吧枱，從坐位望出去，小窗框框著的風景就係一幅畫。
一個小小廚房，魔術一樣變出美食。
所有熱食的碟都先浸熱再用，以保持温度，好細心。
自家製梅酒，好好味，愛上梅酒，今個trip係咁飲。
師傅從爐中攞幾舊備長炭出來，放在碟中，原來係在我地面前烤一下魚的皮。之後切件，不知名刺身淋上美味醬汁，食完再食紫蘇冰沙，好特別。
請先 登入 以發表留言。