Foodie 生活雜誌

2026青海甘肅大環線遊 行程篇

甘肅青海大環線，行程包括敦煌絲綢之路及青海湖。特色係睇到不同地貌 : 沙漠、丹霞地貌、雅丹地貌，不同深淺的泥土色，轉往青海湖就係一片綠，景色唔錯。雖然我對呢條線興趣不大，但去完都覺得長見識。行程內有參觀國內機構，純粹個人喜好，無興趣的自行剔除就得。

Day 1

香港 - 深圳

🚙中港車直往酒店

2026寧波遊 遊記篇 Day 4-5

今日又去睇櫻花，剛去完雲南趕不到櫻花期，上天好好，比我喺寧波睇番夠本。寧波植物公園好大，其中一個園區種左好多櫻花樹，可惜我行錯方向，兜咗好耐浪費咗好多時間至入到去櫻花園區。區內漫天櫻花，有啲地方仲有日式佈置，大家影相影到不亦樂乎。

行完公園去城隍廟步行街行下食下，行過手信店，見家國內的手信做得越來越精緻，見到都有想買的衝動。晚上由團友的朋友安排晚餐，去咗一間好出名嘅寧波菜餐廳，聽講訂位要訂成個月，菜式幾特別，總算見識認識過較地道的寧波菜。飯後去酒店附近按摩，之後回酒店休息。第二朝一早食完早餐就去機場，直飛香港，五日旅程，就此結束。

順便提下間酒店，今次四晚入住寧波東部新城墨憇酒店，酒店連接地鐵站，隔離係大商場，房間濶大光猛整潔，雖然早餐一般，但住得過

初初見到火車路兩旁的櫻花，以為已經到左目的地，原來未到戲肉

2026寧波遊 遊記篇 Day 3

一早俾人點我陪跑步，結果嫌我慢，自己跑左去，結果我都係一條友跑，但係都多謝佢俾機會我完成櫻花路慢跑。返酒店食完早餐後就出發去舟山，同司機溝通完至知原來目的地好遠，又要坐船，根本唔夠時間，於是團長又發揮高度行動力，立即上網搵替代地方，結果去左「觀音法界」觀音文化主題博覽園，完全有驚喜。園區佔地廣，地方整潔莊嚴，主樓建築宏偉，入面有多個展館，無論建築、展覽的雕刻、工藝品、一燈一瓦全部極度精緻，令我目不暇給，可以預一日時間慢慢行，就算唔係信眾都好值得來參觀。走馬看花地行兩個鐘，喺園內求其食啲嘢就去下一站 ：沈家門漁港。 漁港似香港仔咁，海港內泊滿漁船，岸上開左好多海鮮檔，海鮮標榜現捉現賣，夠新鮮，點左d香港少食的海鮮如:梭子蟹、美人貝之類，係新鮮的，不過味道一般，食海鮮都係香港好。飯後返回市區遇塞車，去到天一廣場已經好夜，一眾女團友把握時間喺半小時內shopping 都可滿載而歸，勁。因為好晏至食午餐，晚餐喺酒店食美團外賣就算了

櫻花跑

由酒店至櫻花公園來回，當日係假期，一早已有好多拍友

遇見小仙子

2026寧波遊 遊記篇 Day 2

原本今日行程係去睇桃花，但其中有團友早兩日到，知道櫻花公園櫻花滿開，特意兜架車過來睇下，團長對團友講明影幾張相好走，明日會再來。但一落車見到滿園櫻花，一眾花痴心花怒放，即時四散狂影，結果搞左成個鐘，笑死。之後去睇桃花，有團友之前喺桃花季來跑馬拉松，覺得好靚，可惜桃花櫻花兩難存，去到的時候桃花已經無了，不過行下村庄，食農家菜都可以，收穫係發現喺度有桃訂，樹上熟，一點就到家，好方便。下午參觀天一閣，私人藏書樓，現在已改建成博物館，公眾假期好多人，無乜心機行。行完又食，終於食到我心心念念的十八斬❤️飯後朋友意猶未盡，再去老外灘飲杯，外灘好熱鬧，兩岸打哂燈，同其他大城市一個模樣，叫做到此一遊。

食完早餐出發，經過櫻花公園，諗住影兩張相就走，但見滿園櫻花盛放，邊捨得走

公園喺民居內，住附近的打開窗就有櫻花景，好幸福

再出發去奉化睇桃花，而家大陸好興跑馬拉松，櫻花馬拉松年年有，帶動旅遊事業，睇我朋友帶我來就知

2026寧波遊 遊記篇 Day 1

今次全程由朋友安排，我安心做個廢柴團友，爽YY。搭乘中午機，唔使披星戴月去機場，不過復活假期人多，排隊都要點時間。落機後趕去參觀吉利氣車極氪工廠，原來呢幾日撞正國內清明假期，我哋的旅程得呢日夾到時間參觀，團長爭取時間，結果趕到關門前行咗一個鐘，第一次近距離接觸中國科技，大開眼界，雖然參觀時間實在唔夠，但已經好滿足，感謝團長安排。參觀完去食晚餐，之後就返酒店休息了。

📍行程：✈️香港 →  寧波櫟社國際機場

👫吉利氣車極氪工廠

🥢晚餐：貼閣碧

2026 寧波遊 行程篇

悠閑旅遊，每日只去一兩個景點，食兩餐就一日，全程包車，點對點上落。今次有兩位策劃及行動力特強的團長，我只需帶個人去就得，完全唔使用腦，太舒服了😌

Day 1

 行程：✈️香港 →  寧波櫟社國際機場

👫吉利氣車極氪工廠

2026東京千葉遊遊記篇 Day 4

行程 : 養老溪谷

今日續住同一間旅館，第一次連住兩日，又無揸車，中場時間真係無乜好做，好彩日本人好識包裝，將普通火車線都變成旅遊景點。喺養老溪谷站，有條「小湊鐵道」往市區的五井站，搭乘舊式火車，沿途欣賞山巒稻田，個零鐘頭車程，即係搭車出市區食個lunch，再搭返回程，咁就消磨幾個鐘。之後繼續返旅嘆，咁就一日，真爽。

旅館專車送來車站，喺車站買票就得，就啱時間會有觀景車

2026東京千葉遊 住宿篇SHINRA YORO VALLEY@千葉養老温泉

喺網上睇到follow開的樓主入住此旅館，一秒愛上，即時安排行程，多謝Poodle旅行團團友陪伴。習慣每間旅館只住一晚，但有感之前好多時只入住一晚，總係趕頭趕命喺旅館四圍騰，無法好好的輕鬆享受旅館設施及房間，今次決定連泊，入住兩晚，好好享受。

同一旅館入住兩晚有冒險成份，因為我無揸車，無得四圍去，而且包膳食，要食四餐，旅館好就好，唔好就會好似坐監一樣，好彩今次搏中左。旅館面積不大，但精緻小巧，房間舒適不在話下，貸設温泉有桑拿設施，又有暖水泳池。lounge雖然面積比想像中細，但氣氛舒適，早午晚提供小食酒水。膳食擺盤精緻，味道不過不失，服務到位，整體非常滿意。唯一缺點係交通不便，若乘搭鐵路從東京過來，要轉幾次車，時間長，建議自駕或包車。

資訊👇🏻

住宿：SHINRA YORO VALLEY

近年去日本就係為咗浸溫泉。見到我喜歡的blogger去咗呢間溫泉酒店，一見傾心，朋友仔肯陪我癲，所以就達成今次的旅行。今日的行程簡單得來幾豐富，起身喺附近食早餐，食完他他條條坐預約車出發去千葉養老温泉。

養老温泉喺東京近郊，睇地圖覺得幾近，揸車都係個零鐘，但坐火車就幾麻煩，要轉幾次車。好彩之前到達東京的時候同接車的司機再落單訂左來回接車，真係一流，舒舒服服，又唔使攞行李。

去到温泉旅館即時開啟hea mode。晚上有特別節目，原來Team Lab喺附近有個露天的燈光展，酒店包接送車及入場券，一個好好的經驗，晚上喺酒店繼續Hea，非常舒服的一日。

呢間cafe好多車站都有，質素好好，我好鍾意食呢類包點。基本上日本的cafe出品都唔錯

養老溪谷

2026東京千葉遊 遊記篇 Day 2

去東京不外乎係買嘢食嘢，總想買到或食到香港無見到的或平香港好多的，點知今日從代官山在行到中目黑再到原宿表參道都買唔到嘢，當中三餐又無乜特色，莫非東京唔再鍾意我😩😩

遇上繁忙上班時間，上班族日日咁迫車，命都短幾年

好特別的建築

開始偽貴婦的一天，先去代官山食早餐。

今次去日本又係食買浸，他他條條過幾日。坐大灣航空中午機，過日本關又係排左個幾鐘，上到接車都日落。訂左七人車直去酒店，途中傾埋之後行程中的幾程車接送，唔使趕火車，安樂哂。酒店check in後已經係晚餐時間，第一餐當然係食我最愛的串燒，食完行一陣就回酒店休息，雖然唔係早機，但舟車勞頓都攰呀。

餐廳資料 👇🏻

鳥田むら 支店

東京都新宿区新宿3-35-9 永和商事ビル 2Ｆ

喺trip.com訂機票酒店，彈埋機場接送出來，見收費合理，順便訂埋。司機通常係國內人，你直接同佢溝通就可以訂其他行程，自己傾，全程微訊溝通，可以現金支付日元或微訊支付人民幣，非常方便，司機服務好，有交帶。

2026 雲南滇南遊 遊記篇Day 10

行程 : 昆明- 香港

行程來到最後一日，搭旁晚機，早上可以安排一個行程。我死心不息要睇花，就算酒店隔離係大熱旅遊點「滇池」都唔去，決意去揾紫藤，因為櫻花之後就係紫藤花季。昆明周街係花，求其揾個公園都有花，至於睇唔睇到你想睇的就要看緣分。去左大觀公園，入面好大 ，因為時間唔多，直接睇紫藤，係咁二都用左兩粒鐘。行完後去機場，咁就過左十天了😁

國內自駕遊真係唔錯，無拘無束，打開地圖想去邊就去邊，如果你對住宿無乜要求，絕對可以去到邊住到邊，大把酒店民宿揀。城市現代化，無乜需要適應，至於郊區或較偏遠的地區要將就下，始終發展未成熟，服務質素、餐飲之類都要降低點要求，總之入鄉隨俗，放開胸懷，就會玩得開心。

美好的一日從一隻心型煎蛋開始