Sushi Tokami@尖沙咀－Foodie 生活雜誌

(全店有兩張壽司枱，另一張在後面，在走廊用門分隔開。今次serve我的師傅Taga San 一星期做足七日，好辛苦！)

4/2016光顧

慕名而來，果然唔錯。食材好新鮮，每件壽司都好好味！而且好貴！全餐所有用料都好優質，就算白身魚都好rich，不過飯就握得散左d。見到個牌寫住用鹿兒島温泉水，八卦問下，師傅話由洗米至沖茶到煮汁，總之食落客人口中的都係用呢隻水。唔知係咪心理作用，硬係覺得杯茶都滑d。特別一提的係呢度的海膽，鮮甜好味係基本，仲要用個好靚的盒載住，師傅解釋個盒係為香港店特製，每日將最好的北海道馬糞海膽入落呢個靚盒，即日運來香港，名都勁d，叫「大極上」，日本總店都無。師傅見我咁欣賞，攞多盒比我影。

總括嚟講除左個價錢之外，全餐都好滿意，貴就梗啦，但偶一為之當獎勵自己都好呀。