Foodie 生活雜誌

10/2020光顧

睇介紹，店內裝修幾靚，而且只接受訂座，唔使去到等位，又試下。餐廳裝修簡約舒適，店員態度和藹親切，不過食物味道一般，又一間適合打咭的cafe。雖然話只接受網上訂位，不過當日見到有人walk in都可以，唔通有生意唔做咩，若想打咭，行過不妨碰碰運氣。

親子丼餐 味噌湯淡，親子丼的雞無味，飯係暖的，蛋白靚但凍左，整碗飯温吞吞，好睇唔好食。

鐵官音無花果蛋糕  淡淡的茶香配清甜的無花果，估唔到兩樣口味都幾夾，不過蛋糕口感鞋，似雪耐左，啡㫵只濃不香，麻麻。不過套杯碟幾靚。

cafe 外表似工作室，水泥文青feel裝修，幾靚

餐廳係半自助式，先點餐再入座，用餐限時個半鐘，大家準時到達，結果喺呢個位等候點餐都用左不少時間，我覺得唔對路，問店主可否比我入座再出來點餐，佢至如夢初醒咁比我入座😓

座位在閣樓

日式傢具

年輕人最喜歡的地台位

樓梯位落樓下，幾型

店內好多影相位，當日見到有位女士喺度擺左個瑜珈pose，將隻腳long左上幅牆上，嚇得我。

好欣賞呢支屎坑一滴香 (便器除臭劑)