Foodie 生活雜誌

住宿位處哥本哈根市中心，係呢個旅程的意外驚喜。之前已提過我哋犯左低級錯誤，訂少左一日住宿，結果補救時就訂左鬧市的民居，叫做感受下當地城市氣息。上次來哥本哈根，曾經喺百貨公司頂樓食飯，望出去見到附近的apartment 好特別，心想若能夠試下住喺入面就好，可能上天聽到我的聲音，特別安排我住左一晚，感恩。Apartment 位處市中心最繁華的大街上，樓下滿滿的遊人，喺屋內望落去，別有一番趣味，不過相對地住喺度都比較嘈。住宿設備齊全，同一般apartment 一樣，反而大厦的設施幾特別，又長見識了。

資訊 :

airbnb Bright,high-end 3BR apt - prime location

https://abnb.me/0btYCoJGYY

apartment 大厦在步行街內，外表現代化，要泊車就泊喺對面百貨公司地庫停車場，泊左一晚要幾舊水，住市中心就係咁。當日係最後一日，好多行李，停車塲同apartmrnt雖然距離短，但當中要經過步行街，人來人往，運行李時都幾尷尬，

好彩班小朋友幫得手，行動瞬速，大個仔了👍🏻

住宅大堂。話哂喺丹麥，designer light 隨處可見。

呢架𨋢真係玩左我一段時間。首先，呢度好似房門的門，原來就係𨋢門

𨋢好細，不過歐洲係咁，有𨋢都偷笑，入到去按掣，無反應

見到每個按鈕旁邊都有個鎖匙窿，試下插條鎖匙入自己要去嗰層的按鈕旁，得左

上到去，又要過第二關。今次開的係另一度𨋢門。𨋢門一開係一度木牆，我呆左半秒至意識到其實係一度木門，下意識想推開佢，但推唔開，原來要用鎖匙開，個鎖匙窿仲要近門腳。

終於入到屋，一般三房apartment 格局，一梯一伙，最特別係室內兩度門，一度𨋢門一度大門並排，大門行樓梯上落。真係未見過，長見識

大廳，開放式廚房，客廳

大厦坐落行人街中心位置

上次就係喺箭嘴指住的天枱食飯，估唔到今次就住附近

衛浴用企缸，有洗衣機乾衣機

房間一 雙人床，房間近行人路，好嘈

房間二

房間三 外接露台

大厦中庭，垃圾要自己放去大垃圾桶

人潮喺傍晚時已散去，但晚上有垃圾車、清潔工人及夜遊人的雜聲，好嘈嘈

全屋最愛的位置