Foodie 生活雜誌

5/2010光顧

餐廳在Hotel St.Regis HK ，酒店外型頗特出，但經過幾次都估唔到係酒店，仲要咁細間，同集團一向有氣派的風格好唔同。講番餐廳，The Drawing Room 出名低茶set，但幹粗活的我求飽肚，午餐較適合。午餐分2 course 及 3 course ，包咖啡，今次的餐牌唔多啱心水，食物無驚喜，味道偏淡。不過酒店環境高貴舒適，員工親切服務好，感覺良好，雖然食物水準一般，但太后食完後居然下旨，話要去對面中菜「潤」食點心，臣兒遵旨，即刻碌過對面訂位。唉，其實太后一日到黑乜都話貴，其實骨子裡係貪慕虛榮，唯有臣兒節衣縮食，港足呢位老港女吧😜😜

麵包有三種，parma ham 、無花果、牛油軟包。款款好味，真係想點多盤打包走。我都死唔蝕底，encore左parma ham 同 無花果包，飽到死，人出包我出命

Tuna carpaccio 無sauce，配芒果粒，清清地，又幾好味喎

洋蔥湯 非常濃郁，洋蔥多過湯😅好味

雞胸 居然配一碗飯，成個main course似西式的海南雞飯。雞胸柔軟有雞味，配上帶甜的醬汁，白飯帶淡淡的薑黃味，可能係夏天關係，整個course 口味清淡

呢個半蒸煮的魚，我睇落賣相就麻麻，食味都一般，好彩太后無投訴，佢話已經比CUCINA好好多🤣🤣🤣

甜品 coconut mouse加sorbet。coconut mouse做成波波狀，內有豆沙蓉，口感似海綿波波。

木瓜布甸，上面係鮮芒果sorbet

內有鮮木瓜

太后都開始飲肥威

酒店外型頗特出，幾次坐車經過都有留意到，來到至知係酒店

大堂入口隱閉，但低調得來有氣派

酒店大堂設於2樓，舒適高雅

酒店附送口罩套