3/2020光顧
裝修靚，酒店式招呼(即係殷勤)，酒店式價錢（即係貴），酒店式份量（即係少）。點心選擇唔多，款式無驚喜，味道一般，徧濃，唔係我口味，試過就算。
XO 醬 用玻璃碟盛載，幾靚。不過唔係我所好，無食到
清湯魷魚餃 造型可愛，魷魚肉饀，無特別
灌湯餃 湯頭頗甜。從小到大，灌湯餃係我飲茶必食點心，由東海四十幾蚊個食到而家百幾銀一個，連一向對價格敏感的太后都唔敢出聲。
竹炭甜薄撐、蝦餃、羊肉餃、蘿蔔絲酥餅、野菌餃、叉燒腸。唔算出色的點心。
餐廳喺九龍灣高銀金融中心，幾隔涉，但勝在夠靜。
有二十多款點心，選擇大路
全站熱搜
留言列表
香港食食食 (25)
