close
12/2019光顧
小店喺保安道尾近明愛醫院，晚上幾靜，但白色小清新裝修幾突出，唔知以為係咖啡店。越南菜小店，街坊生意，味道中規中矩，粉麵湯底唔算太口渴，勝在價錢實惠，作為一間街坊小店，合格有餘了。不過位置遠離地鐵站，比較吊腳，當晚都見有熟客幫襯，附近係我喜歡的正。麻辣。茶。雲吞及滕皇閣，我見到老闆都有在門外同正。麻辣。茶。雲吞的老闆傾偈，同行未必係敵國，一個小社區應該係咁，左鄰右里，和諧並存。
生肉河 湯底無乜牛肉味，鹽味重d，薄片牛肉無雪味，河粉滑，$40碗，我收貨
雞絲湯河 湯有雞味，雞絲唔鞋，合格
小食拼盤 春卷、魚餅、牛油雞翼各兩件。食物炸得乾身，春卷皮酥脆，魚餅香料味剛好，不過雞翼無牛油味。$42，幾抵食。
全站熱搜
留言列表
香港食食食 (25)
