IMG_8941.JPG

11/2019光顧川流@灣仔

 

精緻新派川菜,宣傳話係以前雲陽閣的主廚陳師傅主理,想當年我無論財力及味蕾都未能夠欣賞雲陽閣,只食過一次,印象好好,但都無食辣,浪費了。到我喜歡川菜的今天,雲陽閣已經關門大吉,不過大廚陳師傅就過左來川流。睇過晚餐價錢唔平,走新派中菜路線,在我嚟講「新派中菜」有三大特色 細細碟,擺盤靚,價錢貴,所以就算傳媒讚到天上有地下無,我都未有嘗試。見到最近有午市套餐,價錢較貼地,即管一試。選點心套餐,有湯、點心、小菜、油菜同白飯,一人前,啱哂我。套餐賣相精緻,但味道一般,未能吸引我晚上來光顧。不過好開心餐廳肯做呢種套餐,近來我週末食lunch都遇到唔少單頭食客,對於我呢類孤獨試食家來講係一個好好的選擇。

 

酥肉冬瓜燉鮮鮑湯 湯夠熱,味清甜。酥肉好腍,食落似魚肉。雖然係清湯,但加左少少花椒,帶出點點川菜感

IMG_8935.JPG

點心拼盤 點心有五款 : 蝦餃、燒賣、素菜包、芋角同芽菜牛肉盒,全部係廣東點心,居然一款川味特色點心都無,有點失望。點心味道不俗,食材有水準,餃皮包皮都做得好。

題外話 : 飲完湯後,侍應居然上個水煮魚比我,我問佢唔係應該食點心先?佢話若我想食點心可以上點心先。搞到好似我有問題咁,邊有人食完正餐至食點心?基本次序都攪錯,廚房的問題。後來餐廳有比whats app問意見,我反影左呢點,店方話因為點心係即叫即蒸,為怕客人等得耐,所以至先上水煮魚,會再作檢討云云.......

IMG_8936.JPG

 

水煮魚 套餐有十幾款小菜選擇,我選水煮魚,魚肉厚身肥美,雖然係愈食愈辣,但湯底味道只濃不香,無青瓜又無寛冬粉,只得蔥同芽菜,單調左d,係咪一人前的關係?水煮魚係川菜名菜之一,若連呢個都唔突出,好難令我對其他菜有期望。

IMG_8937.JPG

套餐包白飯及油菜,夠哂飽肚

IMG_8938.JPG

叫左碟辣醬,以為係川味辣醬,原來只係普通豆板醬,有點失望

IMG_8939.JPG

午市餐牌

IMG_8940.JPG

餐廳門面簡約,行過左都唔知,店名都好隱蔽

IMG_8942.JPG

裝修西化,內設酒吧,以中式茶具作點綴

IMG_8943.JPG

IMG_8944.JPG

餐牌內相片好靚,排版用心,似catalog

IMG_8945.JPG

 

 

 

 

 

 

 

 

 

 

 

 

 
 

全站熱搜

Hearoom 發表在 痞客邦 留言(0) 人氣()