IMG_5284.JPG

 

Den Gamle By喺旅遊雜誌上通常稱呼為舊城區,上次去哥本哈根時,以為Den Gamle By在附近,一問之下至知原來要坐三小時車至到,當時仲無知到以為哥本哈根係咁大,其實舊城區係喺另一城市Aahurs。我又一直以爲Den Gamle By只係一個舊區,同其他歐洲城市的舊城區無兩樣,都係睇下古老建築,行下食下,來到至知原來係大型露天歴史博物館,介紹丹麥從19世紀前到20世紀初的生活歴史,區內的古舊建築係從丹麥不同地方的古蹟遷移到來,仲有穿著古代服飾的人物穿插其中,仿似喺度生活一樣,遊客置身其間,似時光倒流,進入歴史空間。原本以為行一陣就離開,無想到大家都好有興趣,結果行左三個幾鐘,未行完都要離開,原本打算之後到市中心shopping,點知去到商鋪都打烊了,餐廳食物又唔啱心水,結果又回家享受大雜燴。

 

今日晨跑會加多一位成員

IMG_5274.JPG

晨早搞一輪,去到Den Gamle By已經10點幾了。

IMG_5275.JPG

塲地附設停車場,有5小時免費泊車優惠,記得在售票處買票時攞埋時鐘盤至去泊車,否則要行多轉。

IMG_5276.JPG

入場處有餐廳提供小食,丹麥食物比較簡單,都係麵包之類的餐點,我無食

IMG_5278.JPG

園內有17-1800 1927的生活歴史

IMG_5277.JPG

從前丹麥一般平民的住屋,有埋古代裝束的人在屋內實時生活,喺佢地煮嘢食時,仲比左一片用麥製造的傳統食物比我地試,好有真實感。

IMG_5280.JPG

區內的古蹟建築係從丹麥各地運來重建,呢幾間就係從我昨日去過的Aalborg市運來,內裡係低下層人民的居所及民生的小店。

IMG_5281.JPG

花園

IMG_5282.JPG

從前的兒童遊樂設施

IMG_5283.JPG

寧靜的鄉鎮環境

IMG_5284.JPG

婦女在後園曬衫

IMG_5285.JPG

市中心的商業街,內裡有不同店鋪,仲有博物館,介紹好多丹麥的歴史,又有小遊戲比小朋友玩,我地每間小屋都入去睇下,好有意思。

IMG_5286.JPG

餅店、釀酒廠、藥房都有,餅店可以買到丹麥傳統的糕點。

IMG_5287.JPG

市中心廣場

IMG_5288.JPG

中產的居住環境

IMG_5289.JPG

來到19世紀的街頭,有電燈了

IMG_5290.JPG

進入19世紀初的商店,左上角相內的古裝三母女,真係商量緊買乜,好真實,我企隔離,似喺平行時空,感覺奇異

IMG_5291.JPG

郵局真實運作,團員有寄post card的習慣,見到郵局好開心,立即在街頭即寫即寄

IMG_5292.JPG

十九世紀有汽車,當然亦有代表的博物館

IMG_5293.JPG

其中一個博物館掛滿不同年代的poster,我唔知內容,只見大部分設計都有國旗,而且都好可愛,丹麥人好愛自己的國家,因為從小教育,可能有人會覺得因為國家好,所以國民願意付出,但調轉來講,好的國民亦會努力建構國家,但大前提係要先對國家有歸屬感,睇到呢個館,好有感觸,一言難盡.....

IMG_5294.JPG

生活水平高了,市民會去餐廳消費,遊客亦可以光顧,感受懷舊氣氛。

IMG_5296.JPG

離開舊城,回到城市,又唔覺得市容差好遠。

IMG_5297.JPG

 

 

午餐在園內食糕餅、雪糕雪條做lunch ,全日無飲咖啡,來到市區要立即補給。呢間Espresso House就似丹麥的沙北,周街都係,出品一般

IMG_5298.JPG

回家時在超市遇上回收機,又玩一餐,乘機灌輸環保教育。事緣之前在北歐國家的超市都見到呢類回收機(2),但唔知點搞,直至喺超市買飲品時,發現價錢比實際高 (即係大家一向無睇單),一問之下,原來價錢包括回收費,若要取回費用,要將樽攞去回收,明白之後大家立即雙眼發光,將家中所有可回收的樽攞回來回收。回收的樽分三類(1),價錢不同,樽上有寫明類別(3),完成後會有單印出(4),之後攞回去超市收銀處取回現金(5),整個過程簡單容易,即回收即收錢,唔回收就要付回收費,用者自付,好欣賞呢個制度。香港咁多年喺環保上無論政策同教育都好失敗,問題除左係政府唔落力,最大原因係市民唔願意付出,要方便捨環保,近日知道政府放左10部圖中的回收機在不同地方,又睇下結果如何。

IMG_5299.JPG

大雜燴晚餐,飯後在屋內hea下,好舒服

IMG_5300.JPG

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

全站熱搜

Hearoom 發表在 痞客邦 留言(0) 人氣()