Foodie 生活雜誌

9/2019光顧

新加坡過江龍。幾年前在新加坡食過，印象唔錯，所以開幕前都幾期待。以為自己係晨型人，11點到達，應該無人咁早食飯？點知都係敗陣，去到已經有人排隊，加上試業關係(光顧當日餐廳只開左幾天)，好多招牌食品都未有，見到工作人員一臉緊張，嚴陣以待，係咁道歉，我反而要安慰番佢，海南雞飯水準不俗，椰子雪糕好味，不過我起碼半年後至會再來，因為客太多人，待應服務吃力。餐廳開8點，若唔介意食個早飯，或者無咁多人？不過要問清楚餐點係咪全日供應，否則就白行一趟了。

食完飯去樓上Artisan Lounge飲杯咖啡，我只坐coffee corner，若入去大堂餐廳雅座就嫌太貴了。咖啡香濃，唔使排隊，無樓上陳豪劇飛 (blooms cafe) 咁多人。

海南雞飯 雞肉嫩滑，無雪味，雞皮下無乜皮下脂肪。油飯軟綿但唔夠油香，清湯無乜味但起碼唔係味精水。三款醬汁中的醬油濃厚，總括來講整體唔算出色，但喺香港來講算係唔錯。

星洲炒蘿蔔糕 食落啖啖都係粉，無蘿蔔味，外皮無煎香，配料唔夠多，唔得

椰子雪糕 加人椰子肉的雪糕清甜有椰香，雪糕填滿整個椰皇，面頭鋪上可可粉，加上合桃，一小串紅毛丹及菠蘿，加添南洋風情，有驚喜的雪糕

餐廳半開放式 ，十點幾去到已經排隊，估唔到

再估唔到係咁多嘢都賣哂，侍應解釋係運唔切食材來港，試業期間，情有可原，不過之後若再係咁就死得

好多簽名菜

食完飯步出餐廳已經成棚人在外等位了

上番地面的Artisan Lounge的coffee corner 飲咖啡

咖啡香濃，坐喺度欣賞下商場設計，睇下過路人的打扮，都係樂趣

對面就係Artisan Lounge的餐廳，似懷舊中央車站的cafe設計，不過貴價低茶set 要成千銀，應該同我無緣。