IMG_3579.JPG

 

8/2019光顧

見到開飯網上幾家分店的好壞評分比例係90.1,好厲害的一間店,當然要試下,結果原來係一間「致敬版」拉麵店。無論裝修、食材、湯底、擺盤、甚至連湯底的加工方法、拉麵師傅的制服,都同跑馬地及中環某拉麵店有9成相似,分別只在於價錢打八折及份量較多,但味道亦打左折,加上配料同原裝版一樣,不合我心意,試過就算。唔喜歡呢間拉麵店係我的個人問題,其實湯底係唔錯,喜歡雞白湯的朋友可以一試。

 

裝修高雅的店面

 

IMG_3580.JPG

 

作為一碗拉麵,出菜速度真係好慢。我等左半個鐘至有得食,等到火都嚟,侍應解釋係沾麵做法較複雜.....我叫佢解釋點解複雜到要半個鐘,佢至急急腳去催師傅。我睇到廚房就知點解咁慢,因為根本無做到!只得兩個師傅,又要烤鰻魚又要炸餃子,最慘要同致敬版一樣 :制服打哂呔,所以動作都要elephant d,人地有幾位師傅,優雅得來keep到速度,致敬版得兩位師傅,湯拉麵湯底出菜前又要打泡又要炸牛蒡絲,已經做唔切,點有時間搞碗要浸冰水的沾麵?

 

IMG_3581.JPG

 

先來餃子,估唔到係炸的唔係煎的,皮硬,我唔鍾意。經過後欄見到係用某日版的冷藏餃子

 

IMG_3582.JPG

 

食友點的極濃湯拉麵,呷一口湯,有雞味,對辦

 

IMG_3583.JPG

 

燒鰻魚串,現場即燒,居然仲快過比佢早落單碗沾麵😡,鰻魚彈牙肥美,醬汁咸甜度剛好,不俗

 

IMG_3584.JPG

 

千呼萬喚始出來的沾麵,拉麵彈牙,但黐住哂一餅餅,沾麵汁同拉麵湯的濃度一樣,做湯麵尚可以,做沾麵就唔得,所以毫不掛麵,仲要望住佢放入微波爐叮熱比我,打哂折。兩塊薄薄的慢煮叉燒,肉質軟滑,不過慢煮雞肉(相中溏心蛋後爆哂光的白色肉)就有點鞋,兩款都唔係我喜歡的食法。溏心蛋入味,蛋黃jelly,好味

 

IMG_3585.JPG

 

沾麵湯內有雞肉碎及筍,但湯唔夠濃,唔掛麵。睇介紹話什麼中間變奏點,加熱碗湯,店員提都無提過,我亦懶得問。

 

IMG_3586.JPG

 

download apps 成為會員立即有100分,朋友即場DL換支可樂,我死唔蝕底DL左,諗住日後再來可以換隻蛋,不過食完後唔想再幫襯,就點埋隻蛋,結果又係等極未嚟,一問之下,侍應話要跟單排,我瞪大眼望住佢,結果佢立即攞出來。食完後儲到4百幾分,計過可以換炸雞加可樂,C9心態作崇 : 究竟應唔應該再食?

 

IMG_3587.JPG

 

洗手間的後欄裝飾別緻,可惜洗手間地下水汪汪,又一間由出品到細節都係有形無神的店

 

IMG_3588.JPG

 

 

 

 

 

 

 

 

 

 

 

 

    全站熱搜

    Hearoom 發表在 痞客邦 留言(0) 人氣()