Foodie 生活雜誌

遊完女木島，再往男木島遊覽，兩島相隔不遠，約廿分鐘船程。男木島面積較細，房屋依山而建，即係要行大斜路，太后無可能行，只能在碼頭等，我教左佢去食店坐低等，之後就出發。由於唔可以讓太后等太耐，我決定兩小時內要行完。好在男木島大部份展品在室內，要收錢，我無買pass，遂個比有點肉赤，所以只行幾個，夠時間 (😅)。 之後再睇埋海邊的男木島簽名展品walking ark，勉強叫夠時間。其實島上仲有cafe，小小圖書館，可以慢慢行，島上多斜坡，只能用腳行，若係好天氣，記得做足防曬，否則會好似我咁，曬傷後頸。

離開女木島了

坐船從女木島到男木島約二十分鐘

男木島，有點似從前的調景嶺

一落船，影入眼簾的就係男木島的簽名藝術作品 :「男木島之魂」，小小玻璃屋的屋頂由不同文字寫出的「你好」拼合而成，迎接世界各地到訪人士。小屋就似男木島的入口，可以在此取閱男木島的資料及購買船票。

文字剪影。計劃行程時已通知太后今日的節目唔多啱佢，但喺互相遷就之下，太后一早已帶備平板電腦煲劇，亦保險地帶埋報紙，原本安排佢在碼頭的食店內坐低慢慢嘆，最後發現原來佢全程坐在男木島之魂內，可能想吸收藝術靈氣？

踏入男木島

一路向上行，大熱天時，幾甘下

男木島平日好靜，不過藝術祭期間餐廳的營業時間會廷長，例如呢間

又再行，沿路無乜樹蔭

男木島的人口愈來愈少，好多老屋都荒廢了

島上的藝術展品大部分在室內，若你無地圖，見到屋前有支旗就係展覽地

睇還睇，唔好四圍闖入民居，騷擾居民

上到小島高處，睇到大海，豁然開朗

其中一個島上最出名的作品，「記憶之瓶」，就係將男木島村民的記憶放入瓶子內

對於我，最重要的回憶係人，當然包括家人、愛人。

另一個展品。話說我途中遇到一位操流利英語的大阪女孩，同佢攀談期間問左佢邊幾個展品最值得睇，佢介紹左一個睇燈影的展品比我，咁我當然跟住去，點知我的金魚記憶記錯左，入左去呢間喺牆上柱上都畫滿鶴的老屋，我入到去仲試圖打開屋裡的門，罔想會有光影展於門後，最後當然只有牆上的鶴😫

碼頭旁的展品，好似話魷魚係男木島的名物

又再努力行去碼頭的另一邊，太陽好猛烈

好靚的野花

另一簽名作品 ： walking ark

當日我一個人，無人幫我影相，另一位男士都係一個人，我地互相幫對方影相，當中用英文交談，後來至知原來大家都係香港人，笑左

又再行番上山

Dream cafe，可以對住個海食雪糕，day dreaming，可惜我要趕住落山揾太后

「ONBA」小型手推車係島上特產，話說男木島好多斜坡，而島上居民大多數係老人家，於是有位設計師設計左呢款ONBA比老人家搬運重物，仲可以當走路時的支撐。島上有間ONBA FACTORY，小車有好多花款㗎

男木島，又稱貓之島，但我今次只見到呢張好靚的畫

加一隻花貓。遇見的貓比女木島的少

最後統計，總共買左1710yen入場券，其實單季的pass只要4000yen，若你會去兩個島或以上，建議買pass，唔使就住就住，仲可以玩日本最喜歡的吸印仔遊戲，每睇完一個展品吸一個印，過程中又要揾展品，好有野外定向feel

我無買pass，無印仔吸，所以用相機做記錄