Foodie 生活雜誌

依依不捨地離開夢幻温泉旅館後，再繼續旅程。先照原定行程去久住花公園睇花，不過昨晚天氣係零度，原本想睇的花氈當然無得睇，園內的花零零落落，好彩叫做有個小小的温室同一d記念品小店，無無聊聊居然行左兩粒鐘。睇唔到花氈，但又好彩遇著櫻花滿開的日子，跟住網絡上推介去熊本県野外劇場アスペクタ賞櫻，劇場係室外表演塲地，今日無表演，好靜。塲內有好多櫻花，開得燦爛，可惜天陰陰，而且櫻花比較分散，唔夠澎湃。影完一輪相就出發去今晚住宿。晚飯前去左當地的福祉温泉泡湯，類似老人中心，仲試左森美旅行團介紹過的電氣風呂，好搞笑。之後喺旅館小屋食個精緻晚餐就結束一天旅程。

離開旅館，路邊仍見殘雪

對而係阿蘇火山，不過天氣麻麻，睇唔清。但我上次睇過，仲有冒煙，想起往年，有點黯然

久住花公園

見到入場費半價，以為走運，原來日本人好老實，講到明只得少量花開睇，得以半價，明買明賣，反正來到，點都入去行個圈

花氈尚未形成，好疏落

幾荒涼，而目遊人唔多，塲面頗冷清，完全無意慾舉機影相。

離開公園繼續行程，路上櫻蹤處處

熊本県野外劇場アスペクタ 入口，好高好整齊的樹

塲內開滿櫻花，最重要係無人

離開劇場，繼續上路，見到呢棵好大的櫻花樹

大到要撐住

徬晚，來到今晚住宿的pension小屋

pension 附送附近浴場的入場券，我地揸車過去，轉個彎就到，唔使三分鐘，行路都唔遠

其實係區內的老人康樂中心，內有浴場

地方幾大，休息區有按摩椅，有電視，仲有附近的農產品出售

行入去就係浴室，入面地方幾大，分男女湯，內湯有幾個池，仲有露天風呂

最特別係呢個電氣風呂，在大浴池的一角，電極由池邊的電板釋出，真係會電到麻痺酸痛，但電完肌肉輕鬆左，又幾得意

回到pension 見到晚餐食的麵包剛焗好，正