IMG_2395.JPG

 

今日正式踏上自駕旅程,食完自家製早餐後,依依不捨的離開小屋,友善鄰居請我食朱古力同我say goodbyeso sweet。起程直駛黃金圈,應該超過90%來冰島的人都會去的超級熱門旅遊點,俗人如我,當然會去啦。先去版塊裂縫Thingvellir National Park,差不多到達時經過P3 停車場,落車睇下,發現行入去都係裂縫,唔蝕底行左先,行到盡處有瀑布,風景一般。行完後去官方景點,好熱鬧,我望下就走左。黃金圈係超級旅遊點,非常多人,建議早點到,否則無車位。離開版塊裂縫Thingvellir National Park,開車去黃金圈第二站 間歇泉Geysir 。景點位於温泉地帶,地熱區就似日本的温泉地獄谷,最特別係個間歇泉,每幾分鐘會噴發一次,力度猛,有幾層樓高,都幾壯觀,不過亮點只得一個,基本上睇完就可以走。中午時分,原本想喺觀光店的cafe草草食個午餐,但實在太多人,團員唔太肚餓,決定去埋黃金瀑布先。去到黃金瀑布,照舊人頭湧湧,但呢度終於令我有到左冰島的感覺。瀑布面積大,水量足,氣勢磅礴,總算不枉此行。之後在路上揾餐廳,可惜附近無啖好食,結果食左餐又貴又唔好食的午餐。

 

早餐幾豐富呀

IMG_2294.JPG

在路上

IMG_2295.JPG

 

今日天陰陰,不過唔落雨已經要還神

 

IMG_2296.JPG

 

P3停車場泊低車,行入去又係有個閘

 

IMG_2297.JPG

 

太后初來報到,因為跟開團,習慣落車行兩步就到景點,睇完上車走,所以貴重物品無隨身,仲要大支嘢話人影都唔多個,比人爆左架車就抵死。我就係討厭佢呢類性格

 

IMG_2298.JPG

 

行過左一小段山谷石頭路就見到鋪得好靚的棧道,好易行,太后慢慢行都應付到

 

IMG_2299.JPG

 

IMG_2300.JPG

 

終點的瀑布,我在冰島見到的第一條瀑布,講真有點失望

 

IMG_2301.JPG

 

行完就取車,見太后急急腳行,問佢做咩,佢話 :怕個袋無左,佢唔知要行咁耐,我懶得理佢,感謝美魔女伴住佢,否則我一定一路行一路曉以大義,結果又會鬧交。我就繼續影相。

 

IMG_2302.JPG

 

去到觀方景點,紀念品店、觀景台唔少得,記念品店旁有免費洗手間,由於駕駛員一路等唔到位泊車,加上開始落雨,我落車影左幾張相就走

 

IMG_2303.JPG

 

IMG_2304.JPG

 

觀景台,望出去都係裂縫山谷,比我剛剛行的地勢再高少少。

 

IMG_2305.JPG

 

IMG_2306.JPG

 

IMG_2307.JPG

 

觀景台步道在起點已鋪好

 

IMG_2308.JPG

 

冰島間中會遇到封路,不過有G神就無有怕

 

IMG_2382.JPG

 

旅客中心,cafe、餐廳、shopping 樣樣齊,好迫人,太后去洗手間,敏捷地消失於人群中,結果當然又係走失。話說太后每次去洗手間,美魔女都會好心相伴,點知太后以小人之心度美女之腹,以為係我派美魔女去監視佢,居然同美魔女講「你放心,我唔會令你難做。」佢真係當左自己係犯,搞到美魔女唖口無言。

IMG_2383.JPG

 

因為地熱關係,地上的流水都係冒煙的熱水

 

IMG_2384.JPG

 

駕駛員最唔想見到的牌 禁止航拍

 

IMG_2385.JPG

 

園內四處都係高温泉眼

 

IMG_2386.JPG

 

IMG_2387.JPG

 

大家都圍住中間的噴泉

 

IMG_2388.JPG

 

噴泉每隔幾分鐘會噴一次,好多拍友圍住等,拍到滿意為止

 

IMG_2389.JPG

 

IMG_2390.JPG

 

IMG_2391.JPG

 

IMG_2392.JPG

 

近年旅行見多左呢類牌,究竟咩人會成日掉coins呢?我成日自己對號入座,有點慚愧

 

IMG_2393.JPG

離開間歇泉再上路,遇到肥羊落車打招呼。冰島的羊好肥,行動敏捷,所以只比影到個pat

IMG_2394.JPG

黃金瀑布,從停車場位置俯瞰,瀑布跨度大,氣勢磅礴

 

IMG_2395.JPG

 

可憐的駕駛員

 

IMG_2396.JPG

 

瀑布有兩個停車塲,一上一下,旅客中心、洗手間設於高處的停車場,沿住鋪好的棧道同樓梯行落瀑布,若唔想行,可以俯瞰瀑布後再揸車去下面另一個停車場,咁就唔使好似我咁行番上去。行完瀑布後叫太后在下面的停車場等,我同駕駛員揸車落嚟,等佢唔使行,但佢吵住話要一齊行,但自己又腳痛,吹漲!結果我比條車匙佢,話我喺度等,叫佢揸落嚟,佢至死死氣喺度等,真係唔明點解有福唔享?

 

IMG_2397.JPG

 

沿住山腳行去最接近瀑布的地方

 

IMG_2398.JPG

 

四圍的路都濕滑,太后唔比人扶,差點滑倒,嚇到我心都離埋,佢自己定神後至肯比人扶,激死我

 

IMG_2400.JPG

 

瀑布的開端,瀑布水勢猛。

 

IMG_2399.JPG

 

近看瀑布,山谷峽窄,水花因未能散開而向上升,好有趣。

 

IMG_2401.JPG

 

IMG_2402.JPG

 

午餐喺呢間以自家種植磨菇的工塲附設餐廳用餐,喜歡菇菇的我諗住無死,點知好失望

 

IMG_2403.JPG

 

有簡單buffet提供,沙律加麵包,主角蘑菇湯唔好飲,二百蚊一位,好貴

 

IMG_2404.JPG

 

羊肉wrap  冰島的羊肉好味,呢個wrap 都唔錯,起碼係熱的。

 

IMG_2405.JPG

 

食完午餐去到Seljalandsfoss都差不多黃昏,若果太陽伯伯出來就剛剛好可以在水簾洞內欣賞夕陽美景,可惜這樣的幸運並不屬於我。太后落車後用眼尾瞟一下個瀑布,不屑地講句 菲律賓百勝灘個瀑布咪咁囉,有咩好睇? 世界各地遊客讚嘆不已的冰島著名瀑布,在太后眼中就係如此不外如是,我只去過香港公園的水簾洞,無去過30年前的菲律賓百勝灘,唔敢同佢㘭,但一場來到,點都要佢喺瀑布前留影,初初太后死都唔肯,之後我同佢講 :唔係個個好似你咁見多識廣,影番張到此一遊相,喺老友記面前威下嘛。膚淺的太后在虛榮心作祟下,立時充滿動力......影張相,之後就返回后坐繼續煲劇。我地三個行入瀑布前千叮萬囑太后咪亂行,又要佢袋好車匙,皆因太后有過度活躍症,怕佢四圍走😫三人帶著忐忑不安之心走入大瀑布,好彩回來後仍上到車。遊覽瀑布後,直駛去離瀑布不遠的住宿,今日一共行左四個景點,夠皮了。

 

 

泊好車,遠遠已見到瀑布,瀑布最特別係後面有個山洞,可以走入去。咁就可以前前後後都欣賞到瀑布

 

IMG_2586.JPG

 

 

捉左太后影張到此一遊相,佢拿拿淋就返回后坐煲劇

IMG_2587.JPG

 

我地一行三人繼續行入水簾洞

 

IMG_2588.JPG

 

IMG_2589.JPG

 

近看瀑布

 

IMG_2590.JPG

 

小徑好濕滑,好彩太后無跟來,太后英明!

 

IMG_2591.JPG

 

標準pose

 

IMG_2592.JPG

 

水簾洞外望,天氣好時,望住夕陽,應該好靚,用點想像力就得。不過記得著防水衣物,因為瀑布水花四濺

 

IMG_2593.JPG

 

標準pose x 2

 

IMG_2594.JPG

 

另一角度看瀑布

 

IMG_2595.JPG

 

IMG_2596.JPG

 

上觀景台一段路無鋪好,但唔難行。挪威的Steinsdalsfossen設施比較完善,不過原始d又更有感覺

 

IMG_2597.JPG

 

觀景台上看瀑布

 

IMG_2598.JPG

 

多謝廚部喺疲憊中仍準備晚餐

 

IMG_2599.JPG

 

 

 

 

 

 

 

 

 

 

 

 

 

 

 

 

 

 

創作者介紹
創作者 Hearoom 的頭像
Hearoom

Foodie 生活雜誌

Hearoom 發表在 痞客邦 留言(0) 人氣()