8/2018光顧 鯛魚魚湯惠門店@鰂魚涌
顧名思義，魚湯係主角，配飯或烏冬，配料可選海鮮，浮誇選擇有皇帝蟹、花膠、鮑魚、龍蝦等，亦有花甲、蝦、廣島蠔等貼地配料，食肉獸可選牛肉、炸雞或吉列豬扒，仲有好多小食。我地選海鮮做配料，店員推介食泡飯更入味。湯底鮮甜濃郁，但味道偏咸，配料新鮮，唔錯，去開附近不妨試下。
街坊小店，枱櫈都細
廣島蠔泡飯 泡飯放在鐵鍋內，上枱時用小火慶住，感覺好有暖意。蠔飽滿，但好生，最好浸耐d，朋友嫌太生，就要求再煲一煲。
湯飯放在小碗內食
期間限定 大蜆大蝦湯飯 聽到剩低一份，死唔蝕底點左。大蜆肥美，用大頭蝦，蝦頭有膏，好落本。
全站熱搜
留言列表
香港食食食 (25)
