IMG_0641.JPG

十八日十七夜的冰島丹麥之旅,冰島為環島自駕遊,共十三天,丹麥只停留哥本哈根四天,使用公共交通工具。

冰島主要環繞一號公路而行,路況良好,南部景點集中熱鬧,睇冰湖瀑布(其實瀑布周圍都係),東部寧靜,觀鳥看峽灣,北部有鑽石圈,西部睇海岸大石、火山,係攝影者的天堂。秋天來到,動物較少,puffin 都離開了,海豹亦無去沙灘哂太陽。聽講秋天唔係旺季,但熱門景點都有好多人,旺季時唔知點算。

冰島的景點絶對唔係停低架車,行過隔離就係,好多都要步行,某些路徑會較崎嶇,若帶長輩來的朋友要注意,太后有好幾個景點都留在車內等。另外要預留多點時間遊覽,寧願去少d地方,我就因為多時間,慢慢行,發現到幾個好地方。總括來講,冰島景色雖然漂亮,但令我感到驚艷的地方唔多,而且感覺荒涼,可能因為天氣麻麻,若果唔係最後睇到極光,整個旅程更平淡。

丹麥我只停留哥本哈根,十分喜歡,全程講得最多係個「型」字 人有型、建築有型、設計有型。整個城市十分舒適,遇到的人都好友善,比我十分良好的印象,一定會再來。

貨幣兌換 : 我誤以為兩個國家都可以用歐羅,結果只帶左歐羅。後來發現原來係要用當地貨幣。不過其實真係咭旁身,兩國通行,喺冰島一蚊現金都無用過,反而在丹麥換左幾百蚊kr搭車用。所有消費全部用信用咭。


天氣 : 9月的冰島比香港的冬天更冷,氣溫約210度,陰晴不定,就算有太陽亦唔猛烈,似黃昏的陽光,下雨時更凍,而且風大,大風時會吹到標眼水,等極光時更會被風吹郁,塊面吹到痛,戴個面堅尼就最好,否則就塗厚d面霜啦。

丹麥氣溫似香港的初冬,去的時候陰天,都係大風。

衣著 : 我幾怕凍,冰島全程著uniqlo heat tech 打底,薄長袖tee,加fleece ,但去到北部要著羽絨。由於陰晴不定又大風,一件GORTEX係必備的,若你想影相無咁悶,可以考慮帶多幾件不同的外套,因為真係無乜機會除衫。我帶左兩件GORTEX, 兩件fleece同一件羽絨,用壓縮袋就無咁阻定(見圖)。另外著對防水行山鞋通常行山路,而且行瀑布就算唔落雨都幾濕滑,圖中的雪靴牌了係Keen,我比10like佢,防水抓地又舒服,內裡有毛毛(不過腳底無),在日本吉祥寺購物街嗰楝户外用品店買,最最重要係特價後只需三舊幾水,原價都係七舊水左右,誠意推介。

丹麥相對温暖,有十幾度,著薄heat tech fleece已經可以。但晚上都要著羽絨。

: 冰島餐廳無想像中差,但款色選擇唔多,都係burger, pizza, 炸魚等,間中有海鮮,午晚餐一樣,食到悶。物價幾高,一餐簡單食物預大約每人HK$200左右,有饀料三文治加咖啡約HK$100左右。我地通常早餐自煮,午餐外食,晚餐都係自煮。離開城市後,超市食材選擇較少,煮食部見到都嘆氣,真係巧婦難為無餸煮。網上介紹豬仔超市(BONUS)較平,但我就喜歡Netto,食材較新鮮,選擇亦較多,價錢唔差得遠。

丹麥我無做功課,亦無心機揾食,不過相信有心揾都會有好嘢食。open sandwich 好味。

: 主要經airbnbbook.com訂,以三房單位為主,大部份住宿滿意。冰島住宿貴,而且好搶手,建議預早訂。丹麥建議住市中心,因為景點集中,不過我住市郊坐metro 出市區都方便。

交通 冰島環島自駕,機場攞車還車。去歐洲次次都經agent ‘rental cars’租車,有好多間租車公司揀,今次駕駛員揀FLIZZR,係under SIXT的,無乜問題,無得指定車款,只比同grade的,比左架韓國車 (見圖),可以放4件大行李加兩件hand carry 行李。交車時check 車好細心,所以攞車時都要check 清楚,有少少花都要mark低。冰島揸車好易中招,我地買全保,乜都包,不過若有賠償要自己比錢租車公司先,再向agent claim 番,今次好彩無問題,但我見排我前面還車的人要賠錢,搞左好耐,所以建議預留時間交車。

GPS 方面,駕駛員穩陣,分別用tom tom sygic預先定位,離線都用到,其實去到用google 都揾到。我地好彩,無遇到悪劣天氣,公路設施不俗,小路就多沙石,有點跣,沿途都見過有人爆呔,又有人成架車飛左落坑,好彩個人無事,而且租車時有提過若遇到風沙暴就唔好繼續行車。

入油方面,全部自助,付款以信用咭為主,但要入PIN,香港的信用咭係無PIN的,所以要揾較大的油站,會有職員開油缸,入完油再付款。

丹麥的交通有火車、巴士及metro,我只坐左metro,收費以zone計算,售票機只收coins 及信用咭,信用咭又係要入PINMetro 係無人駕駛,但有職員查票,千萬要買票至好上車,否則一定罰款。其實舊城用步行已經可以去到好多景點,但最好都係踩單車,有好多租單車店,全城都有單車徑,又有停泊位,非常方便。

: 我只係於入油同買車票時至遇到要入PIN的情況,其餘購物餐廳等簽賬都無需入PIN

電話卡 : 我用3電話卡,行3G,唔夠快,但都用到。反而駕駛員用喺鴨記買的泰國電話卡(見圖)4G,好流暢,$210HKTV mall 都有售。

詳細行程
https://www.facebook.com/355756624585953/posts/1042790499215892/

 

創作者介紹
創作者 Hearoom 的頭像
Hearoom

Foodie 生活雜誌

Hearoom 發表在 痞客邦 留言(0) 人氣()