IMG_6271.JPG

 

今日係移動日,因為車程長,食完早餐就出發。港傭今次純粹跟團,所有行程由太太計劃,港傭只提出幾個要求就無再參予,雖然太太貼心地於出發前比左行程資料我,但我無想過要帶腦,所以無睇。只知道今日車程好甘,景點只有粉紅湖。路上一直天陰陰,開車一小時左右到達粉紅湖,顧名思義,湖水呈粉紅色,陽光普照時更鮮豔,好靚好神奇。大家當然係瘋狂影相,上天眷顧,短短大半小時內,大風、大雨、天晴、天陰的粉紅湖景色都比我地睇哂,心滿意足下離開。之後就係漫長的車程,太太對於車程的報告係有點另類,話說大家坐到呆呆地時,太太突然殺出一句 :「仲有1Km就到!」大家立即醒神,好興奮的同駕駛中的先生加油,但加油期間我有點疑惑,只見四周荒涼,聽講今晚住的係渡假村,可以睇海豚,感嘆西澳真係一個神奇的地方,咁荒涼的地方居然可以有渡假村,地貌仲特別到咁近海都唔覺 (之後都覺得自己天真得可怕),眼見GPS1KM快將行完,太太興奮地講:「終於行完呢條公路,下一條公路係100Km!大家聽到都好驚嚇,不過都唔及揸車嗰個,我喺定驚後先送個「謀殺親夫」的牌匾比太太,再輕拍司機坐的先生膊頭,講句 :「對你的遭遇深表同情」之後,決定瞓陣。過左一千年之後終於到達渡假村,天色已黑,匆匆check in 安頓好,食埋晚餐就瞓覺了。可憐的先生今日揸左六小時車。

 

一早出發,天清氣朗,油菜花田對我微笑

IMG_6268.JPG

 

每天都要見的肥威 

 

IMG_6269.JPG

 

第一站 : 粉紅湖,粉紅色的湖水確係美,配上藍天白雲,靚到似假。可惜太大風,又落雨,只可以在lookouts 的一帶參觀

 

IMG_6270.JPG

 

晴天的pink lake,粉紅色的湖水好出,配上藍天白雲,令人心曠神怡。

 

IMG_6271.JPG

IMG_6272.JPG

IMG_6273.JPG

 

陰天下的湖水失色不少

 

IMG_6274.JPG

 

好大風,湖水都吹皺了,想像若天氣好,藍天白雲影照住平靜的粉紅湖面,一定更夢幻

 

IMG_6275.JPG

 

又再上路,下雨的彩蛋係彩虹

IMG_6276.JPG

 

兩隻電兔坐車坐到無哂表情

 

IMG_6277.JPG

 

落車去厠所,遇見公厠旁的公園,放電時間

 

IMG_6278.JPG

 

再上路,我真係有一剎那相信喺呢個環境下,仲有1Km 就到會渡假村

 

IMG_6279.JPG

 

結果都要入黑至到。

 

IMG_6280.JPG

 

去到渡假村,靚靚餐廳已無位,唯有買外賣。坐左一日長途車,三位小朋友好乖,全無扭計,但落車後不免想四圍行,不過天又黑,大人都攰,唯有喺等外賣時攞出電子奶咀,比佢地睇卡通片,得左

 

IMG_6281.JPG

 

渡假村有兩間餐廳,一間要訂位,到達時已無位。另一間係酒吧,賣小食,不過都係無位,只好買外賣回屋食。我一向唔多喜歡食外賣,呢類香口食物凍左更加唔好食,相中食物其實不俗,少爺仔口味似乎同我一樣,食左一啖就向我求救

少爺仔 港傭,食物唔好食

係呀,我都覺得麻麻地,不過今晚無嘢食,點都要食。好又一餐唔好又一餐,將就下,總之喺你碗內的就要食哂。

港傭都有港傭的宗旨,小朋友係唔可以揀飲擇食,唔係話唔鐘意就可以唔食。

 

IMG_6282.JPG

 

 

 

 

 

 

 

 

 

 

 

創作者介紹
創作者 Hearoom 的頭像
Hearoom

Foodie 生活雜誌

Hearoom 發表在 痞客邦 留言(0) 人氣()