日式吉列豬扒飯一向徧愛Tokinchi及大户屋,其他的試過都無回頭。今次又試新嘢,位於中環的Porker。店子小小,幾迫夾,帶點日式酒吧的感覺。除左豬扒以外,仲有小食同酒供應,吉列豬扒有水準,但唔突出,椰菜任添,添飯每碗$18。試過就算。
餐廳在威靈頓街的入口好細要落地牢。
室內環境迫夾,有日本小店風味
後門在橫街內
小食 醃蕃茄,酸酸甜甜,好開胃
燉煮豬雜 豬雜碎濕濕,同中式的大不同,燉得好腍,似炆牛腩,配飯食最啱
吉列豬扒分三款 : 豚肉眼、西冷及豬柳,分別係肥、中肥同瘦)
朋友點熟成芝士豚肉餅、西冷及豬柳,西冷及豬柳肉質較實,一向唔係我的喜好,不過愛食豬柳的朋友都只覺普通。芝士豚肉餅一般
我喜歡有油脂肥肥地,所以選吉列熟成豚肉眼定食。吉列金黃,但炸漿未夠鬆化,有點點實,豚肉眼帶油脂,肉質軟熟。
餐廳提供松露鹽,可向店員要求,無需加錢。松露味的鹽,無特別
跟餐套飯
全站熱搜
留言列表