IMG_2108.JPG

(別緻的小清新餐牌,部份插圖由女廚師繪畫)

 

6/2018光顧

喜歡的咖啡店,逢星期五、六有晚餐供應,當然要幫襯。晚市做套餐,頭盤、湯、主菜(三選一)、甜品、餐飲,價錢由二百多至四百多,視乎所選的主菜而定。喺觀塘區嚟講係有點進取,但又唔係過份,都係大趨勢。廚師對煮食有熱誠,花好多心思去設計菜色,成品未必好突出,但味道不俗。好欣賞佢盡力做好的態度,食材用料成本幾高,醬汁雪糕都係自己做,收呢個價錢,性價比算高。同廚師及咖啡師傾偈,知道佢地對自己有要求,balabala地分享,完全感受到佢地對食物的熱情,有心係好重要,團隊不斷嘗新試驗,係食客的福氣。

 

頭盤 烟肉煎薯餅配橄欖油碎蛋沙律 薯餅自家製,先煎後焗,充滿薯香,但唔多覺有煙肉,薯餅上加西洋菜苗感覺有點畫蛇添足。蛋沙律同薯餅唔多夾,廚師話係想兩樣食品獨立來食,咁佢講完我就明囉,因為習慣配埋一齊食。其實欖油碎蛋沙律加左少少鯷魚,若獨立配麵包食都應該好食。

IMG_2111.JPG

蕃茄湯 用蕃茄蓉blend成,加左紅椒,帶點辣味,有點點墨西哥feel

IMG_2112.JPG

主菜 海鮮茄汁意麵 手做意麵偏腍,海鮮有魚、魷魚及蟹肉,全部新鮮街市貨,蝦係印度冰鮮,仍能保持爽甜。茄汁加左泰國蝦膏,惹味有咸香,不過味道太搶,咸左d

IMG_2114.JPG

甜品 芒果乳酪配士多啤梨雪糕 乳酪先焗再燉,質地較結實,感覺實在。上面放上用冰滴咖啡加薄荷浸過過的西瓜粒,廚師話可以減輕乳酪的甜味,其實我又唔覺乳酪甜,反而西瓜唔覺有咖啡味,而且薄荷味太重。士多啤梨雪糕自家製,奶味唔重,啱我,如果可以食到果肉會更好

IMG_2115.JPG

coffee time

IMG_2116.JPG

餐飲當然要點咖啡 我比咖啡師作主 (當然因爲我唔識) ,佢比左杯危地馬拉豆的hand drip 我,我亦係當然地無感覺,對於我就係普通咖啡一杯,味道有點似茶。反而欣賞隻杯。

IMG_2117.JPG

原來咖啡放在唔同杯又有唔同香味,咖啡師示範完我至知,總之咖啡就多學問,我智障,聽下無妨,要學就無心機了。之後咖啡師請我飲一小杯cold brew (無影相),係用咖啡櫻桃果肉製成,再低溫冷藏發酵七日。飲落有點似梅酒,酸酸地幾開胃,我覺得用呢款咖啡做結尾更好。咖啡師話佢原本係想用呢款,但咖啡太濃,怕我飲左瞓唔著,真細心。

IMG_2118.JPG

 

 

 

 

 

 

 

 

 

 

 

 

Hearoom 發表在 痞客邦 留言(1) 人氣()