Foodie 生活雜誌

4/2018光顧

foodie友推介的餐廳，唔好問我餐廳名點讀，又一間日本過江龍，不過今次係法國菜。set lunch 係omakase (呢期好興omakase , 好似間間同日本有關的餐廳都要有omakase 至得咁)， 分三道菜，五道菜同七道菜，我選五道菜。食物、環境、招呼都唔錯，食物精緻，食多兩個包都夠飽，望住個海，舒舒服服食個lunch，感覺良好。食材以時令食物為主軸，可能轉季再來，希望唔會似Epure 咁走哂樣。

唯一希望改善的係想要個menu，要知道法蘭西菜幾複雜，好多唔同材料、醬汁放埋一齊，有時d細節嘢真係食唔出，雖然侍應好好，好比心機慢慢講，但我記性差，有得睇會更加好。

餐廳喺海運新翼，幾層都係餐廳，食view多過食飯

地方細細，得6張枱，另有獨立房，落地玻璃全海景，非常開揚

餐具精緻

海鹽牛油，coconut soy cream，椰香中帶點點甜，喜歡。

麵包有三款，墨汁包，法包同brioche

生大食積的我梗係三款要哂，墨魚汁包有食得到的墨魚汁香，通常好多都係得隻色。兩個包暖暖地，配海鹽牛油食，好味。另外的brioche ，外皮酥化，內𥚃軟綿綿同充滿牛油香，配上用豆奶同椰汁做成的paste，食到唔停口。上枱時每人半個，我要再encore

開胃小點有三款，分別係日本豆沙律、阿支竹凍配魚子醬及海膽配火腿做成的果凍啫喱，三款味道由淡至濃，好refreshing， 賣相精緻

開胃小點上菜時有個小玩意，侍應會叫客人自行將裝住小點的小杯插在碟上的窿窿內，帶點玩味，但我就覺得無需要

前菜係煮大蜆，凍食，一半配辣汁，一半配醋汁。大蜆肉厚豐腴，但欠缺鮮味。

春筍配櫻花蝦 春筍爽甜多汁，櫻花蝦烤出香味，與春筍配合，整個菜清甜香口

太刀魚意大利飯 太刀魚有點似牙帶魚，肉厚結實，魚皮香，魚肉juicy。配上八爪魚天婦羅，意大利飯帶點辣，好豐富的口感

朱古力漿蛋糕 雖然水準不俗，外皮烤得香，朱古力漿濃郁，但感覺就有點例牌

套餐包括咖啡或茶，茶有8款揀，朋友點玉露，我照例係咖啡。咖啡係用capsule 咖啡機出，無話特別好飲

petit four 見到兩舊小不點放在碟上，睇到笑左出來，感覺有點反高潮，其實係咪可以加多點心思？