(餐廳在車房隔離，四周比較冷清)
3/2018 光顧 蝦棧@太子花園街
鋪位在花園街尾近警察會，雖然都有幾間餐廳，但比起街頭就明顯靜得多。喜歡食大頭蝦，但一般喺香港食到的都係雪藏，無蝦味，膏又唔甜。呢度的蝦用缸養住，感覺新鮮。餐廳食台灣小菜，我好少食台灣菜，唔知何謂正宗，反正點左幾款都幾好味，主菜份量偏少，點多幾個小食補數。
店子小小，前身係甜品店
門口大水缸養住河蝦，感覺新鮮
台灣風味小佈置
香辣生腸花 生腸爽脆，辣汁香
胡椒大蝦煲 招牌菜反高潮，同相片size 好大出入，蝦好細隻。不過肉爽膏甜，胡椒汁好香，若隻蝦大d就好。
黑麻油雞 麻油味香之餘，湯底帶有藥材味，我幾喜歡。雞肉唔算鞋但亦都唔太入味。
油麥菜好清甜
葱抓餅 香口煙靱
鹵水炸雛鴿 雛鴿即係乳鴿，先鹵後炸，食到鹵水的甜味，炸完後肉質仍保存juicy，不俗
麻辣臭豆腐鍋 除左臭豆腐，仲有枝竹同豬紅， 味道比想像中淡口，可能用蜂巢豆腐，吸滿湯汁，若太咸又未必頂得住。
全站熱搜
留言列表
香港食食食 (25)
