Foodie 生活雜誌

(餐廳好好生意，一條街上有幾個鋪位)

駕駛員睇到森美旅行團的街頭串燒店，覺得又平又有風味，提出要去食，一向無要求的人提出要求，又點可以拒絕？小店在西荻漥，我地當日行完吉祥寺再過去。一出車站南口就見到好多居酒屋同食店，感覺好街坊。森美介紹的串燒店就在車站出口右手邊的巷仔，紅色招牌好醒目。串燒選擇多，就如電視內介紹，好多刁鑽部位都有，而且價錢平，好多串燒95yen就有一串，唔使港幣$7，喺香港食串魚旦都唔得，不過一分錢一分貨，將價就貨，食材用料亦普通，而且燒得麻麻。若要感受下當地人的食店，不妨一試，但若要食有質素的串燒，呢度未必滿足到你。來到不妨在附近走走，食店選擇多，有立食壽司，炉端燒、burger等等食店，每間食少少，試多幾間。

我好喜歡逛吉祥寺，個性小店、商店街同百貨公司都有齊，好好逛，行下食下，嘆下咖啡，可以逛足一日，之前遊記

https://hearoom.pixnet.net/blog/post/328223325

資訊 :

戎

地址：東京都杉並區西荻南 3-11-5

餐廳半開放式，可以坐在街上食，似香港的大排檔，好有風味，但我地一行6人，無咁大張枱，加上天氣冷，都係坐室內

在店邊燒烤，全條街都香噴噴

團友要試馬肉刺身，一睇已知唔多新鮮

串燒一般，有d仲燒得燶燶地。

餐牌好多刁鑽部位，幾嚇人，不過我地都無點