Foodie 生活雜誌

11/2017光顧

之前食過晚飯，印象良好，聽講點心都唔錯，又試下。環境靚、招呼好、點心精緻有新意、味道好，唯一缺點係價錢貴，亦係致命缺點。不過比起附近另外兩間餐廳（龍璽及玉龍軒），呢間價錢較合理，味道都較好。

XO醬唔太辣但幾香，啖啖乾瑤柱同蝦乾，好有口感

叉燒腸 皮唔夠薄

松露脆皮豬 呢個有點被誤導，以為係三件乳豬，諗住食少少無咁滯，點知一上枱原來係小豬造型的咸水角，內裡係加左松露的肉碎做饀。雖然味道唔錯，不過若我知道係咸水角就唔會點。

螞蟻上樹餃 綠色的餃皮上灑上橙色的葱菜，造型唔錯，饀料係的蝦肉帶麻辣香，但又唔會過辣，味道都好好，餃皮有咬口，good

灌湯餃 高湯味香濃，蟹肉、魚翅、竹笙，配料份量十足。

蟹鉗燒賣皇 食點心除左好味，亦好講求賣相精緻，就似外國人的high tea，呢個燒賣造型幾好，充滿蟹肉的燒賣亦都好甜。

燒椰皇布甸 真係睇得又食得，布甸凍食，清甜又滑溜

敬送甜品

因為得兩個人，被安排坐側面，睇貨櫃碼頭景。好喜歡餐廳的食具，有型又高貴

點心選擇，支鉛筆都幾靚