Foodie 生活雜誌

趁天氣算好，立即開車去高山稲荷神社について，神社亮點係有過千個鳥居由山坡上排列至山腳，組成一條鳥居長廊，喺山坡上望落去似伸延至天邊，駕駛員當然唔會放過航拍的機會，事實上航拍出來的效果又真係好好多。

之後再起程去立佞武多館，館內展出的係睡魔祭期間巡遊的立佞武多山車，立佞武多山車每年不同，展館展出的通常係近年製造的立佞武多。館內亦有介紹祭典的典故、歴史、花燈製作等，花燈有四層樓高，展館設計係先讓參觀者從地下仰視立佞武多，感受氣勢，再坐𨋢到最高的四樓，經行人通道環繞住展品往下行，沿路可以近距離欣賞花燈的手工，加上通道旁的介紹，就算未能親身參加祭典，參觀完後整件事都變得立體，我好欣賞的一個展館。

之後駕駛員又要黑夜飛車去食飯了。

資訊 ：

高山稲荷神社について

地址：青森県つがる市牛潟町鷲野沢147-1

電話：0173-56-2015

立佞武多館 (睡魔節花燈博物館)

地址：青森県五所川原市大町21-1

電話：0173-38-3232

高山稻荷神社 最怕行樓梯

上完長樓梯會去到神社，門外有個夫婦岩，幾迫真喎

神社佔地頗大，我目標為本，無四圍行，直接再落樓梯去鳥居長廊。長廊在山谷中，佈局有如日式庭園

往上走到鳥居盡頭，從山坡上往下看，鳥居就似一條柔軟的絲帶放在山中，不過景色在現場看比相片遜色

航拍機出動

航拍效果好得多，我就係被呢類相片吸引而來。

是日行程緊迫，午餐以便利店食物解決。快靚正。

立佞武多館附近停車場，憑立佞武多館入場券免泊車費

一進入展館就見到三個幾層樓高的立佞武多，好有氣勢

之後職員會帶你坐𨋢上四樓

順住通道由上而下參觀

參觀者可以在不同樓層近距離欣賞立佞武多的細節

通道沿路有好多立佞武多的製作介紹

館內有短片介紹立佞武多的歴史，觀眾席在通道三樓，對住大銀幕，每半小時播映一次，所以一定唔會錯過。

影片播放期間，職員會關上立佞武多的燈。電線都好粗

最最欣賞呢度大門，每到睡魔祭，立佞武多山車就會從館內出發，幾層高的大門同每一層的吊橋會打開，山車推出去後再打開建築物的玻璃幕牆，通往街道。想像整楝建築物就似一個盒打開蓋一樣，好特別。

每一層的通道會升起

山車就喺大門推出，似卡通片內的機械人基地

再打開玻璃幕場

想像圖中的建築物，打開左右手面幾層高的大門，應該好有睇頭

參觀完後，駕駛員要趕兩小時夜車去食晚餐，其實只係五點，已經似深夜