IMG_1713.JPG

 

8/2017光顧

對拉麵興趣不大,只會於間中口痕時試下。朋友話呢間餐廳的特色湯底好快賣哂,試過平日中午一點去到沙田分店已經無哂,要關門。講到咁勁,死唔蝕底心態又燃起。我去荃灣店,試過兩款拉麵,出品唔錯,細節位做得用心,店員服務好,不收加一,幾喜歡個湯底,向店員八卦下,佢話餐廳由日本師傅主理,湯底喺日本揾人另外做,來港後再加工,此麵店在日本無分店,經過不妨一試 

(先旨聲明,我口味較淡,因為我知好多人愛食濃味拉麵)

 

點菜紙,同一般拉麵店一樣,選湯的濃度、麵質、配料等

 

IMG_1724.JPG

 

叉燒溏心蛋伊勢海老豚骨湯拉麵  拉麵用幼麵,麵質選適中,但結果有點稔。叉燒無圖片介紹咁厚,但又未至於好薄,肉質柔軟,肥瘦均勻,我比較愛厚叉燒,所以覺得咬落口感稍遜。湯底香濃,真係有龍蝦味,我好衰咁諗梗係加味精,因為要餚個咁濃嘅湯要用好多料,成本唔輕,但食完又唔算口渴,自己又唔識,都係「不要問,只要信」就算。蛋未夠溏心,麵內仲有兩粒雲吞,好少見,總括嚟講成碗麵係唔錯的。

 

IMG_1725.JPG

 

IMG_1723.JPG

 

雞叉燒溏心蛋雞白湯拉麵 由於上次喺龍蝦湯同雞湯之間苦苦掙扎,加上個麵選的硬度不對,決定再來。侍應特別提醒雞拉麵係配笋,唔係木耳,以為木耳無貨,原來師傅話配笋比較適合,好認真,個笋味道唔錯,無押味又軟硬適中。雞叉燒即係雞塊(仲以為又有雞又有叉燒咁爽YY),雞塊用煙燻,無咁油膩,但雞肉唔夠滑,今次選硬麵,啱啱好,湯底有濃濃雞味,但唔會杰撻撻,又比我有個「係真唔係咁足料?」的感覺,今次隻蛋夠溏心。

 

IMG_1722.JPG

 

我好鍾意一路食飯一路睇餐牌,見到餐牌上塊雞有燒過,好靚仔,但我碗內果塊就無乜生氣,於是反映下。(我堅係反映,無投訴!)侍應立即話應該係漏左燒,比多塊燒左嘅比我,我話唔使,食唔哂,結果佢比塊細的我試,唔知係咪心理作用,真係香d

 

IMG_1720.JPG

 

芝士煎餃子 餃子皮薄饀豐富,配芝士係會加強味道層次,但今次似乎有點畫蛇添足,就算我咁喜歡芝士都覺得今次有點喧賓奪主。下次點普通煎餃子就好了。

 

IMG_1721.JPG

 

拉麵配支裝可樂,正

 

IMG_1719.JPG

 

幾款特色湯底每日限量發售

 

IMG_1718.JPG

 

我老人家一開鋪就到,包場。不過晏d人客漸多

 

IMG_1716.JPG

 

枱面好多嘢,免費前菜小食,兩次去都唔同款,另外有原粒蒜頭壓出蒜蓉,近年已少見

 

IMG_1715.JPG

 

IMG_1714.JPG

 

調味料都唔少,七味粉餃子汁等係例牌,重要有得磨芝麻,凍水內有片檸檬,好欣賞呢d細節

 

IMG_1717.JPG

 

一盒盒拉麵,唔知係咪日本運來?

 

IMG_1712.JPG

 

 

 

 

 

 

 

 

 

 

 

 

 

 

 

 

 

 

創作者介紹
創作者 Hearoom 的頭像
Hearoom

Foodie 生活雜誌

Hearoom 發表在 痞客邦 留言(0) 人氣()