Foodie 生活雜誌

5/2017 光顧

近年拉麵店在香港開完一間又一間，風頭好勁，但我興趣不大，因為烏冬至係我心頭好。無論贊岐定稻庭都愛。愛贊岐的彈牙煙靱，又愛稻庭的滑溜質感，可惜香港的烏冬店甚少，有水準的更少。今次呢間烏冬店係食贊岐烏冬，店員介紹幾位廚部年輕人特意去日本四國香川縣學整烏冬，食落又真係有板有眼，烏冬有嚼勁，關冬煮的鰹魚湯底清甜，煮物入味，水準唔錯。

海苔竹簾冷烏冬 贊岐烏冬我喜歡凍食，麵質更煙靱。呢個海苔烏冬用幼麵，食唔出海苔味。麵質有水準，不過唔知係咪豉油有味精，食完有點口渴

小食關東煮 我一向對關東煮興趣不大，因為通常湯底淡如開水，煮物似白烚，不過想食得清清地至點。呢碗關東煮碗仔細細，但內裡有齊椰菜卷、魚旦、雞蛋、蘿蔔同蒟蒻，鰹魚湯底香濃清甜，煮物入味，真係唔錯。

餐廳在工廠大厦內，裝修簡單，似食堂，中間的一枱全部係日本人，應該幾啱口味。

店內掛上烏冬製作過程的畫，令我想起福崗的烏冬麵店

製烏冬的機器

有烏冬班，四人以上就開班，有興趣就到其facebook睇下。

仲有生烏冬賣