Foodie 生活雜誌

(餐廳在黑門市場內的樓上鋪，晚上市場關門後都幾靜。喺隻蟹附近，好易認。)

我個人口多多，食飯時會問廚師介紹餐廳，因為覺得佢地會去食的都應該唔差。呢間餐廳就係去旅行前遇到的日本廚師介紹。我見識少，從來覺得炸串只係厚厚的炸醬包住一舊肉或蔬菜，再浸落一壺杰撻撻的醬汁內，好重口味，所以興趣不大。但廚師先生大推，諗住試兩串就走。食完呢餐之後，印象完全改變，餐廳唔係傳統炸串餐廳，款式有創意，食物新鮮，食材配搭有心思，海鮮肥美鮮甜。（食材按時令配搭）

註 ：等位時偷望到大房內廚師分幾輪每枱派同樣的炸串，覺得好奇怪，坐落至知原來係無餐牌，廚師發辦形式 ，（近年愈來愈懶點菜，最喜歡套餐、廚師發辦。又或者一見精選、期間限定、推介等字眼就點，無前途)套餐總共有20串，若你覺得夠可以隨時叫停，按串數計，可惜被之前的下午茶頂住，結果食左12串就停，否則一定食足20串，滿意的一餐，只怪自己個胃太不爭氣。不過都唔知點計數，只知照單比錢，可能係有餐牌，但我無問。

六覺燈

地址大阪府 大阪市中央区 日本橋 1-21-16 た

こそうビル　２Ｆ

(於黑門市塲內，近鐵日本橋站10号出口)

Tel : 06-6633-1302 

beef fillet 肉質軟稔，有牛味

 

 

帶子 鮮甜，炸漿薄，全無油炸味

 

 

綠豆 豆蓉又甜又rich

 

 

紫蘇葉免治雞肉魚子醬 魚子醬放面，紫蘇葉包住免治雞肉，小小一串食物有多種層次，真開心

 

 

大蜆柚子汁 蜆肉肥大肉厚，海鮮配柚子汁，唔會錯

 

 

生姜豚肉 

 

 

八爪魚 通常侍應放低炸串時會建議你選邊款調味，若唔記得唔緊要，因爲支簽尾已指向建議的調味，真細心。

 

 

蓮藕咖哩 蓮藕內釀咖哩肉末，蓮藕爽脆咖哩惹味

 

 

鱧魚配梅醬 

 

 

准山小鮑魚秋葵 小小炸串，三種不同口感，好味又有趣

 

 

自家製麵包，外脆內軟，飽都要食。

 

 

甜品有三款揀，我選左mango champagne jelly ，一睇賣相已透心涼，味道清新，配埋後面的咖啡，滿意的一餐，若可食夠二十串就好，個胃太不爭氣