IMG_3223.JPG

帶媽媽去旅行  I & II

 
不一樣的旅遊組合帶來不一樣的旅程,寫出不一樣的遊記。三十歲的作者帶同60歲的媽媽做窮遊背包客環遊世界,只睇個大綱都覺得勁。雖然作者已經係一個好有經驗的背包客,但帶住一個莫講話從未做過背包客,甚至連遠遊都未試過的媽媽遊世界,絕對係一個大挑戰。兩人從陸路出發,由中國開始,遊遍亜洲後再往中東、東歐及西歐,最後於倫敦結束,全程三百天。作者與媽媽朝夕相處,要留意媽媽的狀況,又要安排行程、對付突發事件,如此漫長的旅程身心疲憊可想而知,難得媽媽完全配合,後來更變為熟手背包客,到歐洲旅遊時兩人更成為沙發客,於不同國家的40個沙發主家中渡宿,當中經歷的種種係永誌難忘,連作為讀者的我都好感動,好好睇的一本書。
 
作者與媽媽三百天差不多形影不離,一定有爭執的時候,作者亦曾經有心灰賭氣時。但當見到媽媽開心的笑顏,感受到佢期盼的心情,又再收拾心情好好安排旅程。好多時候子女與父母旅行會鬧交收場,大部份會認為係子女安排不周,睇完呢本書後,深深感受到與父母去旅行,其實應該以父母喜好為先,放下自我,但另一方面,父母的配合亦好重要,就似書中的媽媽,放開心情迎接旅途上的種種,對兒子絕對信任,有意見坦承提出,結果兩者配合得好好。
 
一路睇一路想起自己與家中太后去旅行時的點滴,激心事一大堆,每次去完都發誓唔再做呢件儍事,但一想起佢見到美景時的雀躍心情,又心思思想再上路。仍然記得一個片段,某次與太后自駕遊,首次享受自駕遊的太后對路邊的牛羊好有興趣,我停車在路邊比佢睇過夠,還記得佢當時好興奮(因為旅行團從來唔可以在路上隨意落車)好開心地叫 : 呀食食,同我影張相! 果個笑臉,永誌難忘。就算旅途上再多激心事亦值得(當然之後係繼續撕殺)。呢件事令我感受到小時候父母想孩子快樂,到長大後,就輪到孩子想父母快樂。

 

    全站熱搜

    Hearoom 發表在 痞客邦 留言(1) 人氣()