Cafe Royal Garden@太子 @ Foodie 生活雜誌

2/2017光顧

光顧cafe 除左睇介紹之外，仲要靠感覺，睇下啱唔feel，我揀cafe 大多數要求有埋熱食。太子一帶大部分咖啡店都係連鎖式，一係就大路嘢，高級快餐。有日經過呢間，被其小清新裝修吸引，見餐牌有幾款bagel，叫做有點新意，即管試下。室內環境柔和舒適，食物份量合理，味道不俗，餐具擺碟精緻，咖啡香濃，喺花墟一帶係不俗的選擇。不過第二次去時居然遲開，話開10:00，我去到門口見佢開左半閘，入面職員居然話要10:30至開，跟住仲落埋閘，呢個服務態度真係未遇過。之後忍唔住經fb反映，店方都好有誠意道歉，所以若我下次喺附近都應該會再去。

喜歡店內裝修，高樓底用木條間成假天花，感覺cozy，店子小小，但感覺唔迫夾