每個人來東京都似乎要去一次築地，加上就快搬，更加要留下足跡。其實我好怕去築地，因為人太多，而且都去過好幾次，唔會特別想去。咁啱今次又有團友要求去，只好奉陪，順道去出名的鮨國食海膽飯。名店就當然多人排隊，在我輪侯時，團友們自己去行街，各得其所，不過等左半小時就有得食，佢地都無得點行。食完後就知道果然係名不虛傳，海膽滿滿，鮮甜美味，真係回味無窮，唯一缺點係要排隊，下次似乎係我提出要去築地了。食完行下個市場，可能因為近排有興趣煮食，今次居然覺得多嘢睇左好多，仲喺有趣大叔的鋪頭買昆布時學埋如何選昆布，不過實在太多人，行一陣就走了。
排隊係必然的，食客大部份都係遊客，排隊時先落單，坐低就有得食。我等左半個鐘，之後朋友來話唔洗等，睇彩數。
一見到碗飯立即心心眼，滿滿的一碗海膽，唔係只得面嗰浸，飯同海膽的比例剛好，食住大大啖鮮甜幼滑的海膽，真係勁滿足
點埋我另一飛佛 ：白子，好鮮甜
見隔離枱的煮蜆大大隻又肥美，一於死跟，不過煮得太熟，麻麻
飯後甜點，白士多啤梨，好清甜，入口溶化，剩係平過香港好多已經感覺良好
呢位大叔好過癮，好有心機地解釋昆布的種類同煮法，我當然幫襯，當交學費。去對面買埋木魚花，回來就可以做高湯了
餐廳篇 : PIERRE HERME@南青山
今次再去我喜愛的甜品店。估唔到一年無去就唔同哂。首先係裝修唔同左，之前似酒店coffee shop feel，而家中間變成甜品吧，好彩被安排入坐剩低的兩張梳化枱之一，坐得舒服d。餐牌都改左，甜品menu 款式多左，但唔可以再喺樓下選cake 去樓上食，選擇少左，不過仍然係我喜愛的甜品店。之後行表參道，團友一句: 「我終於感受到東京」搞到我真係有點唔好意思，因為我怕人多，好多熱鬧地點都無去，加上睇展覽，食飯都用左好多時間，所以基本上係全無shopping時段。最後佢都係享受左短短兩小時的繁華東京，之後又要去晚飯了。
上次的食後感 ：
http://hearoom.pixnet.net/blog/post/328976841
其實我想食幸福pancake, 可惜人太多
留言列表
香港食食食 (25)
