Foodie 生活雜誌

1/2017光顧

今晚在坐四個人，其中分別有兩人的朋友試過都話好食，諗住無死錯，結果希望愈大，失望愈大。餐廳位於荔枝角工廠大厦內，離地鐵站有一段距離，但晚餐4個course都要接近四舊，不過都開始習慣呢區的高價位。可惜質素跟唔上價錢，廚師應該好努力想創新，做高級嘢，但似乎唔多成功，起碼今晚在坐的四人都唔buy，擺碟無美感，只係畫彩色糖醬落隻白色碟，問左有無轉過廚師，答案係無，可能今晚做廚的心情唔好？定係我無食神？餐廳由地鐵站行去G神話要七分鐘，近山邊，轉彎又轉彎，區外人真係要靠G神。

餐牌有套餐有散點，選擇都多，不過大家唔想煩，點set就算

頭盤

香檸醃北海道帶子配牛油果蓉及墨西哥脆片，帶子燙過，半生熟，無左鮮味，醃得太酸，麻麻，牛油果蓉夠滑

頭盤

西班牙辣肉腸蘋果乳酪千層酥 

對於我，呢碟係全晚最好食的菜色。酥皮鬆化，辣肉腸惹味，整道菜熱辣辣

湯 :  4個人都點洋蔥湯 個湯除左夠熱之外，已經揾唔到其他優點，聞落似出前一丁味精水，好咸，我投哂降，完成唔到

前菜 : 

香煎鵝肝伴三色杏腩 見到個賣相我已經無興趣，似小朋友廚神出品

前菜 ：

燴海鮮千層酥皮撻 個人徧見，一見到住alfalfa 就火起，海鮮只食到pat醬

主菜 :

香烤比目魚伴蟹肉意大利飯配紫蘇忌廉汁

點菜的時候侍應已好心提醒意大利飯係以炸餅形式製成，唔係一般的意大利飯。上枱至知係用來墊喺比目魚底，無所謂，幾有心思，但完全食唔到一絲蟹味，似一塊烤香的飯焦，比目魚大大舊，但似雪魚咁膩，我又投降

主菜

炭燒西班牙黑毛豬肉眼配時令蔬菜及松露忌廉汁 豬扒肉質尚算鬆化，但見到灘血水就有點無奈，朋友話個汁唔得

主菜

烤焗澳洲羊架配紫薯蓉、時令蔬菜及燒汁

羊架朋友一個點七成熟，一個點五成熟，但兩者都好鞋，配個紫薯蓉我就唔多識欣賞，始終太甜。

甜品

個set 跟tiramisu 或mousse cake ，見到櫃內的蛋糕好靚，老闆好好人，唔洗加錢就可以轉

dark chocolate , 熱情果mousse ，荔枝mousse , 無特別，食過就算