再訪/三訪 Hami Harmony@太子 @ Foodie 生活雜誌

一訪 :

http://hearoom.pixnet.net/blog/post/337390613-10-2016%C2%A0光顧%C2%A0hami-harmony%40

二訪12/2016光顧

上次同少爺仔來，印象不錯。今次人多，可以點多d。三大一細，兩個午餐兩個小食，食物份量剛剛好，唔會太細(當然亦唔會大)，不俗的小店，下次的起心肝來試下晚餐 (註: 之後試左晚餐, 中大伏!)。上次午餐的蔬菜鵝肝雲吞已經入左餐牌，下次可以散點了。

車打芝士葱餅葱餅軟靭適中，夾住芝士熱辣辣，好難唔好食

水牛城雞翼用張細d嘅紙托底會好睇d囉，搞到好似食剩咁。雞翼味道普通，唔夠辣，可能先入為主，永遠覺得N年前的Dan Rayan 出品最好食。

套餐內的粟米湯

套餐內的龍蝦汁蜆肉短通粉唔係一般餐廳用濃濃的龍蝦汁，呢個汁比較清淡，可能午餐唔好咁heavy卦，蜆肉細細粒，當吊味吧，整體係唔錯的，以唔洗一舊水嚟計，合格有餘。

套餐內的卡邦尼長通粉個汁一樣係薄，同平時食開的濃汁不一樣，少了香味但多點清新，對我來講，好味就得

玫瑰荔枝紅桑子梳打酸酸甜甜幾好味，最喜歡佢唔係化學水，真係有粒荔枝㗎！(雖然係罐頭貨)

三訪 2/2017

朋友睇完我寫的食後感提議去試晚餐，點知失望而回，我都唔好意思。呢餐真係差，食過兩次午餐，覺得唔錯，試下晚餐，點知食物樣樣細細碟，揾d靚靚餐具載住，似姐姐仔自娛煮飯仔。雲吞水汪汪，pasta碎濕濕，隻雞鞋拾拾，全部唔合格，真係估唔到日與夜會相差咁遠。不過勝在價錢唔貴又可以坐得耐，其實訂位時有提過要交枱，但當晚人客唔多，可以坐得耐，但呢個質素真係好難keep客。

細細碟的青口，味道算唔錯