Foodie 生活雜誌

新鮮豆漿店@大安區潮洲街

每次去台灣一定會食豆漿粢飯，因為真係豆有豆味，粢飯香軟，飯同配料比例剛好。每次去之前總會上網選擇下邊間特別好食，就好似今次呢間都係雜誌介紹，特別行去食，店如其名，夠新鮮，因為全部即點即做，烤餅都係喺古老烤爐即烤，賣哂就無。我10點鐘去到已經只剩低最後一舊飯包粢飯。

經過今次後，我終於明白到對我來講真係間間豆漿店都差不多，間間都幾好食，以後若再去台灣，只需要揾間客人流量大的家庭式小鋪就得，仲要記住只點粢飯豆漿，其他蛋餅等食物都係麻麻地。

（註 ：傳說中的台北神級豆漿店我未試過，相信咁排隊法，我亦唔會有機會試到）

新鮮豆漿店

地址：台北市大安區潮洲街35號

店子在民居內。可能因為雜誌介紹過，當日兩枱都係日本人，包括門外呢台

一般家庭式小店格局

粢飯的油條睇落乾爭爭，原來好鬆脆，粢飯即點即包熱辣辣，大小適中，好味

豆漿好香，燒餅熱辣辣，蘿蔔糕就麻麻了

只做一個上午

2017台北之旅 :古都食堂@吉林路

來到台北，都想食下地道台菜，選左呢間。食完之後只可以講句，台菜我唔係幾識欣賞，就算街頭小食都係麻麻，下次都係咪再試了，不過食左就寫下囉。

地址：台北市吉林路205號（錦州街交叉口） 

海藻洋蔥同我想像中有出入，只得好少海藻，基本上係洋蔥伴木魚絲，個汁又濃，較重口味

出名的白切雞較瘦，無雞味

蛤蜊清湯似乎薑至係主角

大腸套小腸，腸唔夠肥美，反而豬肉同筍都叫入味。