2016秋色意大利遊記篇 Day 3 上集 Dolomiti (Meran，Seiser Alm ) @ Foodie 生活雜誌

行程 :

- 小鎮Meran ，坐纜車Meran2000

- 小鎮 seiser alm

食 :

早餐 : 自煮

午餐：山頂cafe

晚餐 : 自煮

住:

Pozza di Fassa

清晨起床，在小村內散步後（老人家的旅遊生活），回到屋內，靚太已準備好早餐，悠閒地享受完早餐就出發。又經過Lago di Carezza，今日有太陽，個湖靚好多，加上點煙霞，仙境一樣。

晨曦中的村莊

太陽出來了，灑滿一室，喺度hea住等食早餐

morning 貓貓

是日早餐 : 軟芝士parma ham 加火箭菜包，磨菇炒蛋

陽光，為大地帶來色彩

又經過Lago di Carezza，今日有太陽，睇到碧綠的湖水，又有倒影，靚哂

個多小時車程就到左Meran，一個blogger介紹話好靚的小鎮，但來到睇唔出有幾靚（其實我無入鎮，鎮內可浸温泉，大家有興趣就自己揾資料啦），雖然之前已作兩手準備多一個景點(Garden of Trauttmansdroff castle )，但去到見到覺得似香港公園，結果去到門口都無入。但揸左成個鐘頭車過來無理由就咁走，於是問下reception 個女仔，佢介紹我去坐纜車Meran2000。我最愛坐纜車，原以為秋天已停駛，想唔到呢個仍然開。纜車係一般的企位大型登山纜車，不過每次經過鋼纜的連接位就會成架車搖晃，好有離心力，幾刺激，中間仲會停站供行山人士上落，靠站後一條橋放下來，好有趣，長見識了。山上有兒童遊樂場，一般滑梯等設施，另有滑道車，又可以行山，非常多活動，不過以上咁多活動我都無做，因為唔夠時間。只係到左山頂餐廳先醫肚，之後四處行下就坐番纜車落山。

去到呢個香港公園一樣的castle(Garden of Trauttmansdroff castle )，結果決定唔入去