Foodie 生活雜誌

7/2016 光顧

法式小館，菜式有心思，用心煮，但味道有點重手，餐廳解釋係用來伴酒食，所以重手d。Pasta 唔錯，其他就麻麻。擺碟係一大敗筆，亂糟糟，Ｄ碟邊總係搞到污糟辣蹋咁，裝飾碎濕濕，alfalfa 大泛濫(大部份西餐的通病) 我一見就皺眉頭。若住附近想食個似樣的西餐，又唔想去咁遠，都係一個選擇，不過就未必要特別去。因為價錢唔平，連加一平均main course 收三舊，Pasta 收兩舊，entree 、湯收一舊，呢個係銅鑼灣尖沙咀區價錢。諗住同住附近的朋友隨隨便便食一餐，結果食左五舊水一個頭，對我個銀包來講真係有點意外。

而家餐廳消費真係無分地區，又或者係都市人富裕左，好多地區都消費得起？呢間餐廳係由幾位要有平衡生活的年輕人開，所以星期一至三不設午市。年輕人熱誠有禮，值得一讚。

黑松露忌廉湯 而家好難揾到一間西餐廳個餐牌係無黑松露

龍蝦湯 唔夠濃

洋蔥湯，個樣幾靚，但濃左d（係，我認我難服侍）

本來想點炸芝士，但年輕人推薦呢個炸物拼盤，話特別d，係炸得幾香口，但我食唔出個特別之處

Caesar 菜唔夠甜，dressing 太濕，對港版Caesar已無期望

crepe包住IBERICO ham，加BBQ sauce ，介紹概念來自片皮鴨，可能見到上面著菜又發愁，唔覺特別

花瓜cream burlee 估唔到小店都食到，味道唔錯，不過水汪汪左d

羊扒 介紹係傳統法蘭西同希臘混合做法，我兩樣都唔識，叫碟來試下，結果出左呢著嘢。羊扒算嫩，但可以考慮用隻大碟，所有嘢迫埋一齊。睇見都煩

龍蝦意大利飯 好味，龍蝦鮮甜啖啖肉，意大利飯有咬口，味道濃郁，good但碟邊pat汁唔知想點

牛扒肉嫩，但在坐一致認為咸左d，可能我地無飲紅酒？年輕人叫我可以食之前應該撥開d海鹽.....唔係我自己加的嗎？

紅蝦闊麵 用蝦膏打成汁煮，幾惹味，但乾身左d

卡邦尼(無影相) 醬汁香濃掛麵，唔錯。但點解又加黑松露？我想要個簡單版呀！