6/2016 光顧
餐廳係同區壽司店悅鮨的姊妹店，午市套餐選擇多，中等價錢，魚生鮮甜度不足 ，但以價錢計質素不俗份量足，若要求唔太高，都不失為一個選擇。經理好健談，好識做生意，見牆上貼滿不同日文菜名，選擇多，晚市應該都可以？有機會試下先。
套餐全部跟蒸蛋同麵豉湯，我地點四個餐，居然話蒸蛋賣哂，只剩一份，其他以沙律代替。唔通蒸蛋真係咁難整？沙律菜新鮮，麵豉湯有三文魚加海帶，幾豐富(無影相) 小朋友食蒸蛋同飲湯食得津津有味。
黑松露醬燒帶子，碎葱吞拿魚腩飯 真係唔食得都睇得。魚生鮮甜味不足，香港的日本菜就係咁，一分錢一分貨，好少食到平靚正。
苦瓜炒豚肉
碎切香葱油甘魚海膽飯 又係魚味淡 另外跟個軟殼蟹蟹子沙律，朋友話好味 (無影相)
手握壽司定食 10件壽司，用料唔差，朋友唔食海膽(居然！)我梗幫手，可惜都係無鮮味，好一般，以價錢計都ok
套餐內的炸餃子，炸物我麻麻
室內
留言列表
香港食食食 (25)
