Foodie 生活雜誌

又一次選擇乘坐HK Express， 今次朋友加錢選坐第一行，我當然走去八卦下，真係伸到腳，幾舒服呀，下次若有長輩同行都要加錢坐呢行。航機到達福崗已經係傍晚，為左唔想浪費租車錢同一晚泊車費，所以坐的士去天神區的酒店。㗎由於上錯黑色豪華的士，所以車費要3000yen。

幾舒服呀

到達酒店已到晚餐時間，先醫肚，目標鎖定係串燒，諗住見合眼緣的店就入去，點知因為係星期六，好多店都滿左，行到無心機，最後求其入左呢間，估唔到又唔錯。

 一入門口，感覺麻甩，細細間，得十幾個位，但實在唔想再行，有位就得。坐低後又係 亂指一通，有鍋點鍋，有串點串。總之前面有「人氣」二字就點哂佢。點左兩杯飲品，一人前套餐（套餐有前菜，雜錦鍋、五款串燒，個鍋可以加錢加入飯及麵）再 另加幾串串燒，食到飽都係4500yen，抵食！

五串串燒選左雞肉、丸子x2、雞軟骨、豚肉。雞肉唔夠香，其他都唔錯，丸子好食。另外散點 : 雞皮、雞心、雞潤，再來一碟秘製牛腸。

牛肚鍋 有菜、豆腐、肉丸、魚。好豐富，最喜歡係食完鍋中物後加飯煮成的雜坎。

飯後行下河邊屋台街。因為夏天，有個期間限定的千年夜市，規模細細，有快餐車，小檔口。行個圈八卦下就回酒店。

 今晚入住 MyStays Fukuoka Tenjin（福岡天神MyStays酒店 ），地點方便，服務好，唔錯。

晚餐 ： 

虎福堂

地址 : 福崗中央區大名2-2-57

電話 : +81 92-716-3506

(註 : 店內可吸煙)

酒店 ：

MyStays Fukuoka Tenjin（福岡天神MyStays酒店 ）

地址 ： 中央區天神3-5-7