超級中伏的經歷，不吐不快。之前曾睇過有美食專欄介紹過此餐廳的蟹宴唔錯，間餐廳一早已在我餐廳名單上。今次見到雜誌介紹餐廳推出左個海膽shabu shabu : 海膽湯底，灼鯛魚包住菜同馬糞海膽同食，最後結尾係用湯底煮成雜坎，非常吸引，所以立即call人去食。去到門口都知唔荒平，但預左就算。一坐底感覺已唔良好，點菜都勒住勒住。點左兩串串燒已知道要止蝕，但一塲嚟到，試埋個窩。海膽窩由侍應主理，但個侍應姐手姐腳，搞到d魚散哂。之後個經理過來教佢點做，我立即「反映」:
我 ： 點解唔揾個識做的幫我做？整到散收收，個介紹唔係咁！
經理立即接手： 唔好意思，因為個海膽若熟左就唔好食，個魚開得唔夠長，包唔住海膽，所以咁樣。
我： 若你地無把握做得好，點解要做呢個菜？做唔到就唔好推出啦！
經理一臉唔好意思，之後將d 菜加哂落窩，再灼塊魚，撈起菜放落碗，再放塊魚上去，加海膽上面。
我火都嚟 : 咁我不如去打邊爐啦，同你講的根本兩回事！
經理 : (個樣有點尷尬) 你試埋個雜坎先啦，其實個雜坎至係精粹。
我 : 就算係精粹都無理由之前的嘢咁求其，個窩簡直離譜！
經理當然又say sorry
之後雜坎來到，好鬼咸，我都費事再反映，可能唔啱我口味啫。食到尾聲，另一位侍應過來問我要唔要加食物，我話唔使，埋單得了。
侍應 : 咁下次再試其他。
唔講尤自可，一講又激起我把火。
我 : 你d食物咁差，原本諗住再點其他都唔點啦，仲點敢再幫襯？
侍應倖倖然走開，回來後話經理知我好不滿，比個85折當補償，我當然受之無愧。錢我預左比，(個鍋$950) 但食到一肚氣又浪費一個quota, 仲要累到兩位朋友，超唔開心。通常就算唔好食的餐廳我都只會覺得可能係自己唔識欣賞。但呢間簡直一d都唔專業，不知所謂，千萬唔好去！其他食物都差，相中有提。好彩唔係一次過點哂菜，否則死得仲慘。好耐無試過食飯食到咁火！
裝修好高級
食物一上枱, 內心一沉
第一件, 碎濕濕
第二件, 經理整, 似樣
之後經理都整唔到, 索性成兜上, 離哂譜
鍋粥好咸
點左燒和牛舌($120), 細細塊，莫講係和牛，牛味都無。法蘭西煎鴨胸，鞋過我塊面。
文章標籤
全站熱搜
留言列表
香港食食食 (25)
