Foodie 生活雜誌

2/2015光顧
自己習慣日本食店唔會四圍試，啱口味就繼續幫襯，因為都幾多地雷。此店係我的拉麵店選擇。是日選擇為豬骨魚介醬油湯拉麵。此 店老闆都叫多波折，想當年在尖沙咀開店，排哂長龍，好幾次去都寫「沽清，提早關門」，但我都食過兩次。後來從雜誌所知，日藉老闆同港人拍擋意見不合，拍檔 在原址重開，但當然無左條龍，佢就去左觀塘間「稻」做顧問，我又跟去食。之後又得知佢自己在灣仔再創業，當然又來支持，結果亦無失望。我算唔算係fans 呢？不過成舊水碗麵，都唔會成日來，香港生意難做，希望佢維持到啦。總結都係我喜歡的拉麵店，我唔喜歡重口 味，一蘭同豚王都唔啱，湯底較淡的一風堂(初開業時可以，但水準keep唔到)，「魂」至係我飛佛。

地址：灣仔麥加力歌街1-19號地下A鋪
電話： 2886 3226

湯頭濃得來唔油膩，亦唔太口渴， (日本拉麵的湯係無可能唔口渴。) 一入口有好香魚乾味，令我想起東京的「風雲兒」

麵有咬口，叉燒有入口溶化感覺，但太薄。蛋同筍都好味，筍偏甜。

不過餃子就麻麻，皮唔夠薄，餡料的肉一大舊。