目前分類:2017日本東北遊 (25)

瀏覽方式: 標題列表 簡短摘要

IMG_9436.JPG

(餐廳出名french toast,好受歡迎,同層的bills pancake 反而唔使排隊。我早上十點幾到都要等15分鐘)

來到行程最後一日,選擇去年頭來但休館的MERCER BRINCHfrench toast ,之後去上次未開的銀座蔦屋書店朝聖。之後回酒店坐車去機場。因為買左JR pass,死唔蝕底要用盡佢,所以票去東京站轉Narita Express,今次行李多,都搬得幾攰。

Hearoom 發表在 痞客邦 留言(0) 人氣()

IMG_9406.JPG

(秋田市民市場,好大個牌,離遠都見到)

自從多年前蔡瀾先生喺旅遊節目中介紹世界各地的街市,見識到街市就係一個地道食堂,更能了解當地人生活的地方,加上近年愈來愈為食,所以經過街市都會行入去睇下。一早落街四圍行,見到市場個大牌,就朝住市場方向去。市場中等規模,蔬菓海鮮雜貨樣樣齊,地方整潔,貨品種類多,幾好行。仲有食店,可以來食早餐,若住車站附近的朋友不妨來逛逛補給。

Hearoom 發表在 痞客邦 留言(0) 人氣()

IMG_9400.JPG

返回市中心,又入住我熟悉的Richmond 集團酒店 ,設施同其他分店一樣。不是今次酒店地點對於自駕的我極為方便,除左酒店附設停車場外,最好係行前幾步就係Toyota租車公司同油站,方便還車,而且步行5分鐘就係JR站,還車後行過去都好近。菜市場'秋田國民市場'就在附近,酒店後面有商場同地下食街、便利店等,好滿意的酒店。

 

Hearoom 發表在 痞客邦 留言(0) 人氣()

IMG_7344.JPG

由於昨晚到温泉旅館已經太夜,今朝要好好享受酒店設施,死唔蝕底賴到最後一刻至走,十一點至起程。即係又無左半日,沿住稱為楓葉國道的341公路往抱返之溪谷。 一路上滿山遍野都係不同顏色的楓葉, 公路都成為景點。停下影下,中途見到田澤湖的牌就兜入去,不過景色普通,我連落車舉機拍照的意慾都無,兩位團友影兩張到此一遊相就離去。

時間浪費了,去到抱返之溪谷已經差不多三點, 抱返之溪谷遊人好多, 沿住山邊窄窄的小路走入河谷,去到回顧之滝就回頭, 沿路欣賞河谷兩岸的紅葉,不過因為河谷比較窄,所望的景觀唔夠寬廣,而且走在溪邊小路,河景都被樹木遮左, 景觀打左折扣。可幸全程路況平坦, 來回唔使一個鐘,非常易行。

Hearoom 發表在 痞客邦 留言(0) 人氣()

IMG_7252.JPG

 

温泉旅館其實唔順路,純粹因爲上網見到幾靚,特別過來,諗住可以遊覽埋岩手。可惜因爲另一個唔順路的行程(玉川温泉),搞到夜晚8點至到,未能好好享受旅館設施。旅館係現代化的日式旅館,保留日式風味之餘又加入現代設計,係我喜歡的類型。旅館在河邊,房間有私人風呂,泡湯時望住小河流水,滿山紅葉,好治癒。早晚餐精緻美味,大浴場小巧雅緻,仲有足湯同休憩空間,望住落地大玻璃外如畫美景,係一間令人放鬆心情的住宿。

Hearoom 發表在 痞客邦 留言(0) 人氣()

IMG_7043.JPG

食完午餐都差不多日落, 趕到玉川温泉已4點,抓緊落日餘暉,快步進入玉川温泉區內的玉川自然研究路。整條路圍住温泉區,全程大概步行三十分鐘左右,沿住温泉河,經過大噴湯,入面就係處處冒住熱氣的火山谷。呢度最出名係岩盤浴,聽講有治療能力,只要瞓喺地上,蓋著被,靠住地熱的能量治病,能夠治療與否我就唔知,但覺得呢個温泉好有趣,要知道好多温泉谷都係欄住不淮進入,但呢度我可以隨意企入去影相,隨處躺下享受地熱,真係未試過,我比十個趣。

來到至知有温泉旅館,若我早知道,一定在此宿一宵。回來上網一查,原來係治療用温泉旅館,好多人喺度長住,有埋醫師長駐。今次只能匆匆逗留一小時,有機會真係想再來。

Hearoom 發表在 痞客邦 留言(0) 人氣()

IMG_6857.JPG

 

原本行程只著眼於十和田湖、奧入瀨溪流同猿倉温泉,其他景點都無特別安排。點知昨晚往旅館途中經過蔦温泉一帶,楓葉全部變色,好靚,決定今早來行一轉。沿住棧道走入森林,樹葉全部變成橙色,整個橙色森林場景好夢幻,再往前行去蔦沼,雖然最美麗的見頃時期已過去,但仍然可觀。呢度清晨非常熱鬧,好多拍友都想影日出照住個山的「朝燒」時刻。

Hearoom 發表在 痞客邦 留言(2) 人氣()

IMG_6724.JPG

猿倉温泉旅館係秘湯旅館,不過自從呢個世界有左互聯網,相信已經再無秘密。大多數秘湯旅館都係由發現秘湯的人喺秘湯旁邊起一間小旅館,之後世代經營落去。通常旅館都係規模較少,服務細心,而且位置偏僻,較幽靜,係我喜歡的類型。

 

Hearoom 發表在 痞客邦 留言(0) 人氣()

IMG_7101.JPG

奧入瀨溪流,東北賞楓熱點,溪流旁的樹葉喺秋天變得色彩繽紛,遊客可以沿住溪流旁的棧道全個行程最擔心的一日。由於其中一位團友於出發前跌傷,唔能夠長時間步行,所以安排上要將就一下。知道沿路可以停車,但又怕車太多無位停泊,準備好幾個方案,好彩最後一切順利,沿路分開幾個停車點,我同駕駛員往回走攞車,團友無需行回頭路。加上天公造美,我總算順利地遊覽左傳說中美麗的奧入瀨溪流。從前東北地方徧遠,奧入瀨溪流係秘景之一,但隨住交通發達,遊人漸多,已經成為青森必遊景點之一,連旅行團都有。

 

Hearoom 發表在 痞客邦 留言(0) 人氣()

IMG_7077.JPG

 

喺酒店一早起床享受完温泉及豐富早餐後又出發。先往発荷峠展望台欣賞十和田湖全景,十和田湖實在好大,但又好似無特別,望兩眼就離開。之後駕車往湖區最熱鬧的地方參觀,陽光出來了,楓葉的顏色亦更鮮豔,圍著湖的山蠻佈滿不同顏色的楓葉,好靚。

Hearoom 發表在 痞客邦 留言(0) 人氣()

IMG_7053.JPG

 

今晚入住的酒店位於十和田湖畔,十和田好大,呢度遠離遊客區,比較靜。西式飯店,房間較舊。晚餐係標準西餐套餐,菜色普通,味道不俗。飯店係渡假酒店,有網球場,夏天又可以喺湖邊玩水上活動,我秋天來,可以選擇在湖畔散步,或者坐喺落地玻璃窗前飲住咖啡睇日出,又或者係泡住溫欣賞湖景,完全地沉醉在湖光山色之中。

Hearoom 發表在 痞客邦 留言(0) 人氣()

IMG_6467.JPG

來八户主要係去八户市場,去八户市場主要係去食燒海鮮。市場好大,除左燒海鮮,亦有好多食店,另外乾貨、手信都好多選擇。來八户市場的旅客應該9成會去七厘村燒海鮮,我只想湊湊熱鬧,所以燒得唔多,食左喜之次,新鮮北寄貝、大蝦、生蠔及魷魚等。海鮮只要新鮮,簡單煮已好食。今次最最值得紀念係我喺七厘村遇到多年無見的好友,喺香港反而撞唔到,他鄉遇故知的感覺特別興奮,短敘片刻決定回港再約。飽餐一頓後逛下買下手信就離開。

今日係行程中同颱風21号距離最近的一天,我向南下,佢就北上,大家終於相會。橫風橫雨下去到十和田市現代美術館,仲暗自慶幸下雨天安排左室內活動,點知去到美術館至發現係休館日!一個低級錯誤!感謝團友們冒著寒風大雨,陪我欣賞室外展品 (所謂欣賞即係影相)。後來有朋友告知室外展品比室內更精彩,令我稍感安慰。

Hearoom 發表在 痞客邦 留言(0) 人氣()

IMG_6549.JPG
 
酒店外貌 (相片擇自網絡)

Hearoom 發表在 痞客邦 留言(0) 人氣()

IMG_6524.JPG

離開藥研温泉,又要趕車往大間町。大間町以吞拿出名,每年捕獲不少吞拿,來大間町只有一個目的,就係食著名的大間町黑鮪魚,原本打算去出名的浜壽司,可惜去到大間町已經兩點半,壽司店關三點,無謂阻人收工,所以直接去大間崎。印象中有間海峽莊民宿好出名,一見到入面座滿人就立即衝入去,因為三點鐘午市就完結 (其實附近重有幾間餐廳選擇)。飽餐一頓之後,喺呢個本州最北部,影相留念後就離開,大間崎彼岸就係北海道函館市 。可惜是日天氣欠佳,睇唔到對岸。

從大間崎離開時天已開始黑,唯有放棄去尻屋崎。五點左右天已全黑,而且偏遠地方無路燈,駕駛員幾辛苦。加上呢兩日颱風迫近,大風大雨,好不容易至到達八户,去酒店放低行李已經八點幾。立即到附近屋台晚餐,見到其中一間賣燒魚的幾有趣,就入內光顧。當時店內已有4位日本客,佢地非常友善,同我地傾偈又送我地小食,雖然雞同鴨講,但大家用手機又寫又google,居然可以溝通到。原來幾位係來自北海道的漁民,到八户做生意,最好笑是我地想禮尚往來,請佢食燒魚,佢地立即耍手擰頭,話自己係漁民,已經每日食魚食到夠,笑死我🤣🤣🤣 今餐能夠喺地道餐廳同當地人有講有笑,感覺日常,愉快的晚餐。

Hearoom 發表在 痞客邦 留言(0) 人氣()

IMG_6498.JPG

食完早餐就出發去靈場恐山,以為靈場即是墳場,原本仲勁d,係靈界與人間的交界,原本唔打算去,感覺唔吉利,但因為順路,加上情報話紅葉見頃,所以走一轉。出發時天陰有小雨,已打定輸數唔會睇到靚景,點知一轉彎,美景就在眼前,遍山紅葉,雨都停埋,真係天公造美。靈場恐山座落在火山帶,面向大湖,滿山紅葉,景色優美,但四週充滿硫磺味,過我就無入靈場,始終感覺唔良好。

之後再驅車去奧藥研温泉,葉子都變紅了,可惜尚欠點陽光,不過唔落雨已感恩。奧藥研温泉鄉有兩個温泉,一個係溪流旁的河童温泉,好有意境,而且不需收費,之前温泉係混浴,但近年已取消,分男女時段。可惜我到達的時候係男性入浴時間,唯有懷著失望的心情到前面的河童夫婦温泉。

Hearoom 發表在 痞客邦 留言(0) 人氣()

IMG_6276.JPG

因為要遊下北半島,所以選擇喺陸奧市住一晚。陸奧市住宿選擇不多,結果我決定選最平的。一分錢 一分貨,酒店似旅館多d,大堂好大陣煙味,房間細,雙床房間其中一張床其實係加床,唯一好處係房間可以睇到河景。早餐喺附近mos burger 吃,估唔到質素幾高。

大堂 (圖片擇自網上) 絶對無咁光鮮,燈光較暗,大堂可吸煙,感覺似國內賓館。入住的都係公幹人事,例如長途巴士司機。

Hearoom 發表在 痞客邦 留言(0) 人氣()

IMG_6149.JPG

東北的冬天晚上5時已入黑,路上無街燈,對於習慣滿街光亮亮的香港駕駛員,實在不習慣,立佞武多館至餐廳車程要兩小時,天雨路滑,實在唔敢開得快,結果都遲左半個鐘,不過我中途有致電通知,店主都體諒。

終於去到精緻的法式小餐廳,今晚點選的晚餐係台灣同日本北東北合作的「食采陸奧」計劃內其中一個套餐,以當地食材青森帆立貝及蘋果為主要材料,創作不同菜色,有火鍋,燉飯、甜品等等。法日合拼,味道不俗的一餐,很好的飲食經驗。有興趣一試的建議先預訂。

Hearoom 發表在 痞客邦 留言(0) 人氣()

IMG_6261.JPG

趁天氣算好,立即開車去高山稲荷神社について,神社亮點係有過千個鳥居由山坡上排列至山腳,組成一條鳥居長廊,喺山坡上望落去似伸延至天邊,駕駛員當然唔會放過航拍的機會,事實上航拍出來的效果又真係好好多。

 

Hearoom 發表在 痞客邦 留言(0) 人氣()

IMG_6230.JPG

 

早上起來見天陰陰,好在無落雨。先去古川市場食早餐,市場規模小,同一般日本市一樣,魚肉蔬菜乾貨檔齊備,又可以食勝手丼,即係好似車仔麵咁,買完飯底再自己選擇配料鋪上面,遂檔選,以前好似只有北海道釧路市場有,而家好多地方都有了。

Hearoom 發表在 痞客邦 留言(0) 人氣()

IMG_6211.JPG

 

去日本旅行若停留市區,我通常入住Richmond集團旗下酒店。喜歡佢價錢合理,房間面積適中,乾淨企理,位置方便,職員服務好,酒店附設停車場, (要付費,間間價格不同,通常每晚一千日元以內,可泊至翌日十一點),自駕最適。不過今次呢間洗手間有陣霉味,扣分。

Hearoom 發表在 痞客邦 留言(1) 人氣()

1 2