目前分類:咖啡店 (119)

瀏覽方式: 標題列表 簡短摘要

IMG_6816.JPG

4/2017光顧

 

Hearoom 發表在 痞客邦 留言(0) 人氣()

IMG_2547.JPG

3/2017 光顧

又一間喜歡的咖啡店。喺一個下雨的平日下午去到,幸運地包場,慢慢玩。店內裝修係我一向喜歡的小清新格局,帶點點工業風。店主係黑膠碟發燒友,店內有唱盤,客人可選擇部份黑膠碟自己動手播,真係時光倒流幾十年。店主亦係咖啡狂熱者而且好有生活態度,又有品味,傾得興起又教埋我沖㗎啡,離開時更送我幾包咖啡,滿載而歸真係幫襯完都要掉轉頭多謝佢。

Hearoom 發表在 痞客邦 留言(0) 人氣()

IMG_2514.JPG

3/2017 光顧

好旺的一間餐廳,朝早10幾去到都已經好多人,大部分為外籍人士,室內鄉村風佈置,氣氛悠閒,似去左外國。室外對住條電車路,我就唔喜歡,不過大把人欣賞,都係坐滿。食材新鮮,擺碟靚,味道唔錯,不過侍應招呼麻麻,一臉不耐煩,而且出菜慢,間中漏單,見鄰桌幾個都係咁追單。記住要有時間先好來hea

Hearoom 發表在 痞客邦 留言(0) 人氣()

IMG_2415.JPG

3/2017光顧

街角遇見她。原本想去的coffee shop唔啱心水,四圍貢之下遇到呢間橫巷內的小店。店內裝潢似畫廊,有本地創作單位「陋室5月」的繪本Zu & Pi 插畫做裝飾,充滿北歐童話感覺。喺度嘆住咖啡,享受寧靜時光,環境不俗的地方。

文章標籤

Hearoom 發表在 痞客邦 留言(0) 人氣()

IMG_2358.JPG

2/2017光顧

光顧cafe 除左睇介紹之外,仲要靠感覺,睇下啱唔feel,我揀cafe 大多數要求有埋熱食。太子一帶大部分咖啡店都係連鎖式,一係就大路嘢,高級快餐。有日經過呢間,被其小清新裝修吸引,見餐牌有幾款bagel,叫做有點新意,即管試下。室內環境柔和舒適,食物份量合理,味道不俗,餐具擺碟精緻,咖啡香濃,喺花墟一帶係不俗的選擇。不過第二次去時居然遲開,話開10:00,我去到門口見佢開左半閘,入面職員居然話要10:30至開,跟住仲落埋閘,呢個服務態度真係未遇過。之後忍唔住經fb反映,店方都好有誠意道歉,所以若我下次喺附近都應該會再去。

文章標籤

Hearoom 發表在 痞客邦 留言(0) 人氣()

IMG_0874.JPG

2/2017 光顧

行過好多次,每次都過門不入,講真呢d卡通cafe從來唔係我飛佛,總認為係得個樣,但朋友話要食我都唔抗拒。估唔到呢間日本國貓cafe又ok喎,食物味道唔錯,比坊間好多hea住做的coffee shop 好,而且隻貓都比到個樣我睇,唔似迪迪尼咁,差d連隻老鼠都認唔出。

Hearoom 發表在 痞客邦 留言(2) 人氣()

IMG_0845.JPG

2/2017 光顧

之前寫過,好喜歡呢度的氣氛,咖啡都唔錯,今次點左個all day breakfast,其實我好少食,總覺得係凍肉大雜會,好呃錢,不過對間cafe有偏愛就點左。嚟到見到好的式,不禁又呻笨,但食落就知係心機嘢,用料都唔錯,薯仔搽左蜜糖焗,腸仔好味,水牛芝士蕃茄加黑醋,雞蛋烟肉唔會乾爭爭,唯一缺點係貴。所以點都坐番佢兩粒鐘,睇哂d雜誌,感覺良好d。知佢最近續左三年租約,即係做得住,恭喜。

Hearoom 發表在 痞客邦 留言(0) 人氣()

IMG_0838.JPG

1/2017 光顧

荔枝角長沙灣開左不少西餐廳,原本想去的無開,想起朋友提過呢間餐廳,就在附近又來試下。餐廳裝修係時興的工業風,放在開滿回收店同舊鋪的內街都頗突出。午餐唔洗一百,有餐湯意粉咖啡,唔算貴。食物大有進步空間,咖啡可以,但唔洗特別來。

Hearoom 發表在 痞客邦 留言(0) 人氣()

IMG_0766.JPG

1/2017 光顧 Cafe Sausalito@深水埗

某日行過大南街,見到呢間有型cafe,在舊區中頗突出。幾個型仔年輕人經營,入到去居然同我講英文!(好彩唔係普通話) 深水埗咋喎大哥,訪問之下,型仔話我知原來深水埗已經成為左世界各地backpacker 喺香港的旅遊重點,間cafe好多外國客。小小cafe 佈置隨意中有心思位,食物簡單但用料質素唔錯,咖啡香濃,經過附近不妨試下。

文章標籤

Hearoom 發表在 痞客邦 留言(0) 人氣()

IMG_0743.JPG

入去餐廳之前都知道係簡單食物,有益organic之類,但當我見到上枱時只係將個番茄同個牛油果切片後再鋪上塊麵包時,我真係有點納悶。堅係認為自己呢個智障廚房都識整,有時去得餐廳,點都希望食d屋企未必會整的食物,未必一定好複雜,但都應該用腦諗下,例如切下蕃茄碎或做下牛油果醬,可能我就係唔適合咁基本的餐廳吧。

 

Hearoom 發表在 痞客邦 留言(0) 人氣()

IMG_0065.JPG

12/2016光顧

一間我會回頭的咖啡店,咖啡香濃幼滑,食物質素好,簡單但製作認真,呢度又似咖啡實驗室,時時有期間限定不同配搭的咖啡特飲,次次去都有新鮮感(有部分原因係我幾個月至去一次)好似今次的聖誕限定pancake,又靚又好食,加杯咖啡特飲,好開心。

文章標籤

Hearoom 發表在 痞客邦 留言(0) 人氣()

IMG_0021.JPG

12/2016 光顧

餐廳在西貢開業多年,但都無緣一試,今日終於可試就腳的尖沙咀店。餐廳裝修帶有田園風味,環境幾舒服,好適合飲杯嘢,談天說地。但可能我唔好彩,今日點的egg benedict 同咖啡都非常麻麻,呢間只得個樣的餐廳,真係唔試唔知唔好食。但見幾多人幫襯,仲有留位,應該係我的個人問題吧?

文章標籤

Hearoom 發表在 痞客邦 留言(1) 人氣()

IMG_8777.JPG

12/2016光顧

 

文章標籤

Hearoom 發表在 痞客邦 留言(0) 人氣()

IMG_6334.JPG

12/2016 光顧

睇一個專講咖啡的facebook page提過呢間cafe,雖然無點讚,但印象幾深,因為呢間cafe,我認識左有趣的堡壘街(有興趣可睇番之前的post) 咖啡店感覺cozy,好街坊feel,個個都係熟客咁,就似鬼佬茶記,氣氛令我好放鬆,餐牌上有sandwich, pasta , all day breakfast 供應,笑容滿面的年輕人介紹我食個新出品  sandwich ,無所謂地叫佢幫我諗埋咖啡,不過只係個三文治都要$98,當然要坐番夠本,咖啡香濃,店內提供的雜誌小說都好啱睇,每個月來睇雜誌都抵。

文章標籤

Hearoom 發表在 痞客邦 留言(0) 人氣()

IMG_6248.JPG

(什菓千層餅,個皮有點濕,麻麻。hello 媽咪餅似奶油西餅,我無試)

 
文章標籤

Hearoom 發表在 痞客邦 留言(0) 人氣()

IMG_3429.JPG

11/2016 光顧

觀塘開左好多間咖啡室,要試都有排試,我會揀有口碑或睇相覺得有feel 的。呢間兩樣條件都齊,餐廳充滿日本feel,地方大,空間足,兼賣家具時裝雜貨。餐牌簡單,午餐算幾抵,$98沙律餐湯主菜齊,最抵係可以在menu上任選飲品一杯,要知道現今咖啡店一杯飲品連加一要四十幾五十銀。今次食的日式燒汁烤黑毛豬肉絲包,睇賣相應該叫三文治,豬肉絲鞋口,麻麻地,但環境搭夠,我來的時候唔多人,好舒服,等上菜時又可以睇下家品,雖然貨品一般,但成個package 係休閒舒適,會再來試多次其他食物。

文章標籤

Hearoom 發表在 痞客邦 留言(0) 人氣()

IMG_3347.JPG

( 花店有兩層,樓上全層係cafe,好多時唔開,用來做workshop)

 

文章標籤

Hearoom 發表在 痞客邦 留言(0) 人氣()

IMG_1357

9/2016 光顧

一直都提唔起興趣去muji cafe,因為灣仔銅鑼灣實在太多美食,Muji cafe 只淪為次選。因為香港首間Muji Book開左,當然要去八下,順便去cafe幫襯。自選套餐似food court 的三餸飯,頭盤、主菜、甜品,每樣幾款揀,的的式式,材料以蔬菜為主,配埋碗五穀飯,味噌湯,感覺健康,清清地幾好味。成舊水個餐,份量睇落唔多,但又估唔到幾飽肚。其實好多食物款式都可以自家製,不過人少買餸又煩,煮完又要洗,結果都係出街食。Muji books 的書本類型以休閒生活品味為主,配合埋店內擺設及貨品,真係令人心動,想打做一個Muji home 。最衰對於我來講位置吊腳,如果唔係我應該會係常客(打書釘果隻)

文章標籤

Hearoom 發表在 痞客邦 留言(0) 人氣()

IMG_1380

9/2016 光顧

文章標籤

Hearoom 發表在 痞客邦 留言(1) 人氣()

9/2016 光顧

咖啡弄落户香港後都未幫襯過,因為唔想排隊。在台灣食過,食物唔錯,但最令我有印象的係充滿活力,笑容可掬的員工。反觀來到香港,員工笑容欠奉,如遊雲般在餐廳徘徊,裝修無特別,座落於舊樓中,一路坐一路地感到地板有點搖。我只係點左兩杯飲品加個咖喱牛腩,可幸食物品質同台灣一樣不錯。不過而家香港咖啡店遍地開花,好多質素都唔錯,未必要來呢間。

IMG_1423  

文章標籤

Hearoom 發表在 痞客邦 留言(1) 人氣()