Foodie 生活雜誌

2/2021光顧

2/2021光顧

上次來食點心，食完好滿意，今次再來食商務套餐。套餐有三款點心、小菜、炒飯及甜品，食物賣相精緻，用料優質，味道濃而不膩，套餐咪睇佢每樣少少，其實夠飽。不過為食的我忍唔住加多個煙燻鵝肝，好滿足。

1/2021光顧

2/2021 光顧

1/2021光顧

cafe喺K11 Atelier內，office入口旁的開放式cafe，環境幾寬敞，無K11 Musea 內的cafe 咁熱鬧。cafe 係 Ideaology 𣄃下，心諗咖啡質素一定唔差，話哂係自家咖啡品牌，感覺專業。點知杯肥威淡到水一樣，忍唔住要店員再沖一杯，但已唔敢點肥威，點杯long black 好了。附近大把cafe選擇，呢個咖啡質素未能吸引我再來。

1/2021 光顧

餐廳開張的時侯係賣新派中菜，諗住試下，點知幫襯時原來已改朝換代，換番之前嗰代。同經理傾開，至知原本餐廳係百樂潮州酒家的少東同朋友搞新派食店，點知因為疫情關係，生意唔好，意興闌珊，但租約未完，裝修又用左一大筆，加上百樂潮州係K11的店又關閉，順理成章過來接手，所以呢間其實係年輕版百樂。經理哥哥做左飲食界幾十年，服務好又好傾，我都學左唔少嘢。傳統潮州食品味道好，水滾茶靚，點心水準一般，雖然餐廳係實力派，不過商場內好多打咭店選擇，要揀又未必揀到佢，祝佢好運。

1/2021光顧

1/2021 光顧

1/2021光顧

只做外賣的海南雞飯店，雞肉嫩，已去骨，啖啖肉，油飯唔夠香，清湯內有冬瓜，唔算太味精。個餐有飯有湯，飯的份量都唔少，$50絶對收貨。

1/2021 光顧

傳統高級法國餐廳，感覺好高貴，之前雖然想試但又無乜動力，知道主厨Uwe Opocensky 加入，終於下決心幫襯。主廚之前開設自家餐廳Uwe時已想幫襯，因為覺得菜式幾吸引，但結果要到Petru至可以一嘗滋味。可能始終係傳統餐廳，菜式無之前的咁玩味 (之前的只靠睇相)，但味道及配搭都好。餐廳佈置華麗豪華，一列向海落地玻璃，望哂維港兩岸，個view 好正。服務親切有禮，整餐感覺好舒服，一定會再來。

1/2021光顧

Pure fitness 附屬的有機健康餐廳，有機食物一向唔啱我，硬係唔夠味(可能欠左化學味😜)因為有coupon，不用白不用，去飲杯咖啡。唔知點解有機咖啡總係唔對口味，唔係太淡就係太濃，一係味道怪怪的，始終唔係我杯啡，呢杯都唔例外。餐廳位於星街內，好有小區味道，空間大，環境及坐位舒適，幾好坐。

12/2020 光顧

原本係咖啡沙漠的葵興，因為KCC的存在而開左好幾咖啡店。想飲咖啡，經過見到呢間小店，入去點杯black coffee，coffee 味道對版，見幾個年輕人用心工作，店面好細但幾骨子，一個不俗的歇腳處。

12/2020光顧

以濃蝦湯底做主角的拉麵店，因為有coupon就試下。對於我係就湯底味道太濃，有點膩，試過就算，都係喜歡豬骨湯多d。最吸引係有個海景座位。

12/2020光顧

12/2020光顧