IMG_5284.JPG

 

Den Gamle By喺旅遊雜誌上通常稱呼為舊城區,上次去哥本哈根時,以為Den Gamle By在附近,一問之下至知原來要坐三小時車至到,當時仲無知到以為哥本哈根係咁大,其實舊城區係喺另一城市Aahurs。我又一直以爲Den Gamle By只係一個舊區,同其他歐洲城市的舊城區無兩樣,都係睇下古老建築,行下食下,來到至知原來係大型露天歴史博物館,介紹丹麥從19世紀前到20世紀初的生活歴史,區內的古舊建築係從丹麥不同地方的古蹟遷移到來,仲有穿著古代服飾的人物穿插其中,仿似喺度生活一樣,遊客置身其間,似時光倒流,進入歴史空間。原本以為行一陣就離開,無想到大家都好有興趣,結果行左三個幾鐘,未行完都要離開,原本打算之後到市中心shopping,點知去到商鋪都打烊了,餐廳食物又唔啱心水,結果又回家享受大雜燴。

Hearoom 發表在 痞客邦 留言(0) 人氣()