Foodie 生活雜誌

(門面光鮮，入面似一間菜記改裝，想像將所有卡位同細枱搬走，放十張大或中枱入去的景像，清潔程度一般，街坊生意，我無乜要求)

12/2018光顧 

2018冰島丹麥遊 遊記篇 Day 6 Dettifoss

12/2018光顧 

打不死的清湯腩，二度重生，之前在紅磡兩度遷址，後來又關門。知道又再捲土重來，今次重開喺我活動範圍，可以多點幫襯了。湯底清甜帶當歸味，唔係個個受落，但我就好喜歡，牛腩肉味香濃，心機小店，令我一再回頭。

12/2018 光顧

唔知點解見到嗰d「自家製、本地農產」等字眼特別吸引，所以就算間餐廳較吊腳又收得早都揾個時間特登去。餐廳在福來邨的地鋪，唔近地鐵站，真係住附近至方便去。餐廳標榜健康，使用本地食材，唔加味精，提供的免費水都係電解水，好勁咁。食物好處係無味精，味道較淡都可以接受，不過食唔出材料有何過人之處，份量亦較細，住附近的無飯一族來個健康餐係唔錯，若好似我咁特登來就無謂。

12/2018光顧

今日午飯遇著5個為食鬼，好開心！話說我一條友在相熟餐廳食午餐，首先同店員棋哥飲幾杯，見到餐牌上有個鮑魚、蜆焗飯好吸引，但棋哥話個飯係二至三人份量，我一個人食唔哂，叫我唔好點，我實在忍唔住，燒賣就燒賣，照點。上枱時隔離枱的高貴兩母女好有興趣，係咁望住，相請不如偶遇，反正我食唔哂，就邀請兩位一齊食，兩位又好客氣，同我分享佢地的pasta同甜品。一傾之下，原來大家都係為食貓，於是一路食一路分享食經，大家傾得興起，再發現原來店內有另一個孤獨試食家都係為食貓，已經同棋哥傾緊，結果五個互不相識的人就興高采烈地交換心水餐廳，不亦樂乎，雖然萍水相逢，但係一個好有趣的偶遇。

離開Borgarfjarðarhöfn後，又係時候揾食，但一路上四野無人，只好問G神。原來離Borgarfjarðarhöfn幾分鐘車程的Blabjorg Guesthouse間餐廳有營業，仲要幾好食，真係命不該絕。往guesthouse 途中遇到路邊的Lindarbakki turf house，冰島的傳統草屋，好可愛，又影一餐。之後喺guesthouse 食完午餐就回程。回程時終於有點陽光，一洗多日來的悶氣。之後到超市買點食物回去煮晚餐，渡過悠閒的一天。

11/2018光顧

今日係休息日，他他條條喺間屋食完自家製早餐至出門口，旅行無理由要日日趕路嘛。冰島的東部無乜吸引我的景點，求其揾個峽灣去就算，沿途見到喜歡的就停車睇，hea住行，好享受，駕駛員亦可以盡情玩航拍了。其實今日的景點我都唔知係去邊，只係跟住個地名去。當G神話我知到達目的地時，眼前只見到一個好細的碼頭，四週靜悄悄，最開心係有個免費厠所，感覺有點掃慶，但一場來到，點都要落車行下。我係乜鬼都睇一餐的人，見路就行，見梯就上，發現原來呢度係觀賞puffin的海岸，設有觀景台同觀鳥屋，雖然季節不對，一隻puffin都見唔到，但我仍然興致勃勃四圍參觀，呀Q地幻想puffin喺度的模樣。海岸海水清澈，若有陽光的日子來到，一定更美。

11/2018 光顧

11/2018光顧

11/2018光顧

住宿為三房一廳大單位，廚厠齊全，有花園，另有洗衫房，提供洗衣及乾衣機，設備齊全，環境舒適。屋主Sara好識做生意。將大屋分成三部份出租，分別係主屋(我租住的單位)，花園小屋及地牢房間，自己則住在主屋玄關旁的房間內。其實又係，Sara一個人住唔哂咁大間屋，分租出去可以增加收入，自己又可以有工作，無咁悶，我睇過佢住的房間，小小的一房一廳，麻雀雖小，五臟俱全，佢話呢間屋就快賣，我以為佢退休，原來佢會搬去另一個地方，已經買左屋，亦係經營民宿，咁始終呢邊唔係咁多遊客，我笑佢係富婆。呢度唔知會經營到幾時，睇下你會唔會成為呢間屋的最後租客。

11/2018 光顧 

之前去過餐廳的炒豆工塲，年輕侍應介紹我去cafe，話呢度咖啡師沖的肥威好飲，順道來食早餐。餐廳在美麗華商場地下，一落去已見到大型咖啡店habitu，心想咁夠膽喺埋同一層插旗，應該對自己好有信心。餐廳在商場彌敦道側門入口地庫電梯底，半開放式，提供小食及咖啡，氣氛casual，早餐幾抵，$68個炒蛋多士連肥威收$68，難怪當我比張印仔咭諗住吸印時，咖啡師冷冷地講 : 特價左，無得給。無唔緊要，晨早流流黑口黑面就有點兒那個，唯有原諒佢心情唔好。

11/2018 光顧 

11/2018光顧

2018冰島丹麥遊 遊記篇 Day 4  Pakkhus Restaurant 

忘記去鑽石沙灘就係為左食龍蝦，好彩過左午餐時間仲有得食，其實冰島人幾勤力，餐廳中間無落場時間。龍蝦在Höfn 小鎮，鎮上有兩間著名食龍蝦的餐廳，分別係Humarhöfnin Veitingahús及我今次光顧的Pakkhus Restaurant 。其實兩間水準都應該差不多，我兩間都睇過，覺得Pakkhus Restaurant 感覺良好點就幫襯。冰島的所謂龍蝦其實係海螯蝦，比較細隻，同我地食開的波士頓龍蝦唔同，不過都鮮甜彈牙，最緊要係太后滿意，完成佢今次旅程中的其中一個目標。飯後開車往今晚進宿，從Höfn 往Eglisstadir 要翻過一個山頭，一進入小路已經見到前面的車爆左胎，暗暗心驚，小路係沙地，加上微雨大霧，路面又窄又斜又滑，就算見到景色不俗都無謂落車，免生危險，估唔到上到山上就見到有車跌左落斜坡，我地落車問有無需要幫手，司機應該係當地人，見佢都幾從容，見無嘢可以做到就離開了。今晚住大屋，自煮晚餐後悠悠閒hea下就瞓。

Jökulsárlón冰河湖絕對係冰島重要景點之一，感謝上天，今日終於賜我陽光，雖然之前天氣唔好，但去重要景點時有好天氣，感覺上天已經盡做。太后離遠見到冰川已經好開心，到左冰湖就更加自己行左去影相。我一早已book 左boat tour 遊冰湖，同太后揾左厠所，再交代集合地點就走，反正要唔見都會唔見。準時集合，換好衫就上船，坐住橡皮艇遊冰湖都係第一次，之前喺紐西蘭試過坐直升機行冰川，海陸空都集齊了。橡皮艇在浮冰間穿插，職員一路講解冰川生態，當然唔少得地球暖化問題，真係「冰川融化，人人有責」。我英文差，只聽得明一部份，反正唔多明，用心欣賞美景好了。