Foodie 生活雜誌

4/2020光顧

好耐之前食過，印象良好，今次再來，印象更好。set lunch 分2，3，4 course 價錢唔貴，包埋餐酒及咖啡，食物質素好，最重要係朋友係會員，有7折，抵上加坻👍🏻不過服務一般，無酒店的專業感。

先來一杯餐酒，唔飲酒可選果汁，好少套餐有餐前飲品提供。

麵包有三款 ： 紅菜頭軟包，藍莓軟包及芝士片，款款都好味，配紫菜牛油，又幾夾

頭盤 ： 鴨肝凍 我以為係做成 creme burlee狀，點知係sorbet 狀，變左鴨肝味sorbet，配石榴子，berry 同柚子肉，幾有趣。雖然無左鴨肝幼滑的質感，但對於我係一個新嘗試，不俗。

頭盤 beef carpaccio 法蘭西aged beef 牛味濃，朋友話好味

頭盤 北海道扇貝 大大隻，外香內嫩，火喉控制得好好

頭盤 大根蘿蔔濃湯 creamy濃湯，入面有鮮蛤，成個湯好清甜，好味

主菜 陳年意大利米燴飯 想知咩係陳年意大利米，所以點來食，但食唔出有乜特別，加入黑樅菌及粟子，又香又有質感，好味，好飽肚

主菜 鹽燒櫻鯛

主菜 蜜糖烤鴨胸 煎鴨胸同鴨肉分開上，鴨肉炆好用砵仔裝住，再加隻蛋喺面，午餐都咁有心機

甜品 melted camembert配truffle icecream 呢個堅好食，cheese加icecream一齊食，兩樣濃味的食物，一冷一熱，一齊溶喺口，大家都忍唔住一口接一口食，正👍🏻

甜品 豆腐雪糕 配埋綠茶啫喱，新鮮菠蘿及芒果，加花瓣點綴，五顏六色，睇到都開心，豆腐雪糕有豆香，好清新

甜品 自製血橙sorbet

結尾仲有咖啡，飽到晚餐都唔使食