Foodie 生活雜誌

​​

2/2020光顧

以名廚作招徠，疫情下的午市都滿座，新晉火紅餐廳。試左入門版午餐，四道菜，菜式為現代法國菜，食材大部份法國入口，用料矜貴。主廚生於南美，有意大利血統，加上於歐洲工作多年，所以創作多元化。餐廳氣氛輕鬆，菜式擺碟簡單，食味唔複雜。不過分量的式，唔飽肚。餐廳提供4 course 及 6 course，餐牌好在唔使揀，食4 course 只提供菜式後面有星的。6 course 就食哂全個menu。餐單內有煎鵝肝，無論食4 course 及 6 course都要加錢。 開業時只有6 course，$560，真抵食。可能生意太好，即加價。

侍酒師介紹呢支白酒，話有富士蘋果味。聞落係帶點蘋果味，但飲落唔覺。我唔識寫酒，總之係味道ok。

Amuse bouche 脆片上放上西班牙紅蝦刺身，唔知係咪被脆片的濃味蓋過左紅蝦的鮮味，紅蝦無想像中鮮甜。

法蘭西蘿蔔碟 幾款法蘭西蘿蔔不同切法，拼出個蘿蔔拼盤，我覺得自己似隻白免。不過加左沙甸魚粒有點畫龍點睛的效果。

自家制的sourdough ，餐廳的簽名菜，聲稱用三種藜麥做，外皮香脆，內𥚃柔軟，配上全手工製的橄欖油，橄欖油醇厚，係幾好食。但又唔會好到驚為天人，無雜誌介紹講得咁厲害，可能我唔識欣賞。

Monkfish 侍應先將條「因為時間關係，已預先做好」的monkfish呈上，介紹大廚的煮法，大概係好多工序，又焗又攤，攤完再焗。講完一輪就攞番入去。等我以為會成條食咁勁。

實際係Monkfish切件再上碟。肉質juicy 幼滑得來又有靭度，配上類似Pesto混合咖喱的醬汁，較杰身的醬汁配合有靭度的魚肉，幾夾。旁邊的長蔥食味好清香。

blonde D'aquitaine 侍應介紹係法國白皮牛，好矜貴，但我食唔出有乜特別，仲覺得有點鞋口，我真係唔識食。

朋友唔食牛，大廚為佢準備正煎黃花魚，魚味濃，讚

甜品幾有趣 朱古力糯粒磁皮蓋住 rosemary 味雪糕，雪糕下係朱古力脆脆配橄欖油，未試過甜品會配橄欖油，但完全無違和感，幾特別

馬卡龍太甜

咖啡一般

餐廳地方細細，設有chef table ，可以睇住大廚煮食，好受歡迎

​​​​